જાણીને તમને પણ આશ્ચર્ય થશે કે કોઈ બાળકી ફક્ત 8 વર્ષની હોય અને વૃદ્ધ થઈ ગઈ હોય. તેની ઉંમર પૂર્ણ થઈ જાય અને તેનું મોત થઈ જાય. પણ હકીકતમાં આવું થયું છે, આ ઘટના છે યુક્રેનની જ્યાં 8 વર્ષની ઉંમરે એક છોકરી વૃદ્ધ થઈ અને ગુજરી ગઈ.
આ બાળકીનું નામ છે અન્ના સાકીડોન, તેની સાચી ઉંમર તો 8 વર્ષ છે પરંતુ એક એવી બીમારીએ તેને જકડી લીધી છે. જેણે તેને વૃદ્ધ બનાવી, એટલી વૃદ્ધ બનાવી કે જાણે કે તેની ઉંમર જ પૂર્ણ થઈ ગઈ હોય અને તેનું મૃત્યું થયું. તે આ બીમારીથી મૃત્યુ પામનાર દુનિયાની અત્યાર સુધીની સૌથી નાની ઉંમરની વ્યક્તિ છે.
આ બીમારીનું નામ છે પ્રોજેરિયા, જે એક દુર્લભ જિનેટિક બીમારી છે. જેમાં શરીરના તમામ અંગ ધીરે ધીરે વૃદ્ધ થવા લાગે છે. અંતમાં તમામ અંગો કામ કરવાનું બંધ કરી દે છે. આ બીમારી અંગે આપણે ત્યાં ફિલ્મ PAA આવી હતી. જેમાં અમિતાભ બચ્ચને પ્રોજેરિયાના દર્દીનો રોલ નિભાવ્યો હતો.
અત્યારે દુનિયામાં આ રોગથી કુલ 160 લોકો પીડિત છે. પ્રોજેરિયાના કારણે અન્ના સાકિડોનની ઉંમર 8ની જગ્યાએ 80 વર્ષ થઈ ગઈ હતી. તેનું વજન 7 કિલોગ્રામ થઈ ગયું હતું અને અંતમાં તેના તમામ અંગોએ કામ કરવાનું બંધ કરી દીધું હતું. અન્નાની માતા ઇવાનાએ કહ્યું કે હું મારી બાળકીને ગુમાવી ચૂકી છું. હું તેના માટે બધું જ કરવા તૈયાર હતી તેમ છતા તેને બચાવી શકી નહીં.
અન્નાની સારવાર કરનાર ડોક્ટર નાદેહદા કેટમેને કહ્યું કે, ‘અન્ના ખૂબ જ સારી બાળકી હતી. તેની તમામ સારવાર વોલીન રિજનલ ચિલ્ડ્રન મેડિકલ કોમ્પ્લેક્સમાં કરવામાં આવ્યો હતો જોકે અનેક પ્રયાસ છતા અમે તેને બચાવી શક્યા નહોતા.’
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..