પોરબંદરમાં રહેતા અને અગાઉ અનેક વખત દારૂના ગુનામાં ઝડપાયેલા યુવકે આપઘાત કરવાના પ્રયાસ પહેલાં એલસીબી સ્ટાફ અને અધિકારીઓ વિરૂદ્ધ ગંભીર આરોપ લગાવ્યા છે. આ યુવકે ઈન્સ્ટાગ્રામ પર લાઈવ કરીને એલસીબી સ્ટાફ વિરૂદ્ધ ગંભીર આરોપ લગાવીને ફિનાઈલ પી લીધુ. બાદમાં તેને સારવાર માટે હોસ્પિટલ ખસેડવામાં આવ્યો છે. જો કે, પોલીસે આ તમામ આરોપોને નકાર્યા હતા.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
મારી જિંદગીનું લાસ્ટ લાઈવ
ખારવાવાડ વિસ્તારમાં આવેલી હોળીચકલામાં રહેતા 20 વર્ષીય સાગર ઉર્ફે ડબલુ મૂળજીભાઈ મોતીવરસે પહેલાં ઈન્સ્ટાગ્રામ પર પોસ્ટમાં એવી જાહેરાત કરી કે, ‘હું જાવ છું લાઈવ કરવા, બધા આવજો કે, મારી હારે આ બે દિવસમાં શું થયું, એટલે જોવાનું ભૂલતા નહીં, ટાઈમ 9:30.’ત્યારબાદ બીજી પોસ્ટમાં લખ્યું કે, ‘મારી જિંદગીનું લાસ્ટ લાઈવ જોવાનું ભૂલતા નહીં, મારા ભાયુ હોય એ.’ એ પછી વધુ એક પોસ્ટમાં લખ્યું કે, ‘હમણા થોડી વારમાં જ લાઈવ થઈશ, આ મારી જિંદગીનું પહેલું અને છેલ્લું લાઈવ છે, મારા બધા ભાયુ જોવાનું ભૂલતા નહીં, ટાઈમ 9:30.’
આમના ત્રાસથી હું દવા પીઉં છું
ત્યારબાદ સાગરે ઈન્સ્ટાગ્રામ પર લાઈવ કરીને ફીનાઈલ પી લીધું. એ સમયે તેણે જોરજોરથી બૂમો પાડી કે, ‘રાજભા, એલસીબી સ્ટાફ, ગોવિંદના ત્રાસથી હું દવા પીઉં છું.’ પછી લાઈવ બંધ કરી દીધું. સાગરનું લાઈવ 2534 લોકોએ જોયું હતું. ફીનાઈલ પી લીધા બાદ તેને સારવાર માટે સિવિલ હોસ્પિટલ ખસેડવામાં આવ્યો હતો. હોસ્પિટલમાં તેણે નિવેદન આપ્યું કે, તે સતત ઈન્સ્ટાગ્રામ પર એક્ટિવ રહે છે અને તેના ફોલોઅર્સ વધારે છે. તેને ગાળો બોલવાની ટેવ છે. અન્ય લોકો પણ ગાળો બોલે છે. એટલે ડીવાયએસપી જુલાબેન કોઠીયા, એલસીબી પીએસઆઈ ગઢવી અને સ્ટાફના રાજભા, ગોવિંદ વગેરે લોકોએ મને ત્રાસ આપ્યો છે.
મને ખૂબ માર માર્યો
લોકલ ક્રાઈમ બ્રાંચની ઓફીસમાં તેને ધોકા અને પટ્ટા વડે ખૂબ માર મારવામાં આવ્યો હતો. બીજા દિવસે તે હેડફોન લેવા ગયો ત્યારે પણ માર મારવામાં આવ્યો. એટલે પોલીસની મનમાનીથી તેણે આ પગલુ ભર્યુ હતું. તેણે આરોપ લગાવ્યો છે કે, હું ઈન્સ્ટાગ્રામ પર વધુ સક્રિય ના રહું એટલે પોલીસ અધિકારીઓએ રૂપિયા 50 હજાર લઈને આવું કર્યું છે. જો કે, પોલીસે આ આરોપોને નકાર્યા હતા.
ડીવાયએસપીએ આરોપો નકાર્યા
પોરબંદરના સીટી ડીવાયએસપી જુલીબેન કોઠારીએ પોલીસ સામે લગાવવામાં આવેલા આરોપો નકાર્યા છે. તેમણે કહ્યું કે, પોલીસ પોતાની ફરજ નિષ્ઠાપૂર્વક બજાવે છે અને તટસ્થતાથી કામ કરે છે. યુવક દ્વારા જે આરોપ લગાવવામાં આવ્યા છે, તે ખોટા છે. આ ઘટનામાં પોલીસનો કોઈ વાંક નથી.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..