સૌરાષ્ટ્રના ખેડૂતની બહાદુરી: ખેતરમાં રાતના પાણી વાળવા ગયેલા ખેડૂતની છાતી પર સિંહણ ચડી આવી પણ આ બહાદૂર ખેડૂતે ધક્કો દઈને ભગાડી મૂકી

તમે વાડી કે સીમમાં એકલા હોવ અને જો સિંહની ત્રાડ પણ સંભળાય જાય તો હાર્ટ એટેક આવી શકે છે. પરંતુ તેનાથી પણ બે ડગલા આગળની કલ્પના કરી જુઓ તમે ગાઢ ઊંઘમાં હોવ અને સાક્ષાત યમરાજ સમી ખુંખાર સિંહણ તમારી છાતી પર આવીને બેસી ગઈ હોય તો? કલ્પના કરતા પણ શરીરમાંથી લખલખું પસાર થઈ જાય છે. આ સ્થિતિમાં વિશેષ કાળજી સાથે લેવાયેલા પગલા જ તમને કદાચ બચાવી શકે છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

સૌરાષ્ટ્રના અમરેલી જિલ્લાના સાવરકુંડલા તાલુકાના અભરામપરા ગામના આ યુવાને જે કર્યું તેનો વિચાર તો તમને સપને પણ ન આવી શકે. ખેતરમાં રાતના પાણી વાળવા અને પાકનું રખોપું કરવા ગયેલા વિપુલ ખેલૈયાને ઊંઘ જ જાણે કે યમરાજ લઈ જવાના હોય તેવો અનુભવ થયો અને તેની છાતી પર ગિરનારની શિલા જાણે કે ઉડીને આવી પડી હોય તેવું વજન લાગવા લાગ્યું. આ બધાથી તેની પૂરી ઊંઘ ઉડે તે પહેલા જ એક પરિચીત અવાજ તેને સંભળાયો. જે સાંભળતા જ ઊંઘ તો ઉડી જ ગઈ પરંતુ શરીરની તમામ ઈન્દ્રિયો એક જ ઝટકામાં જાગૃત થઈ ગઈ. આંખ ખોલીને જોયું તો તેની છાતી પર પંજો મૂકીને એક ભૂખી સિંહણ ઘુરકીયા કરતી ઉભી હતી.

આ સંકટની ઘડીમાં પણ યુવાન બેબાકળો થયો નહોતો અને પોતાનું પ્રેઝન્સ ઓફ માઇન્ડ ગુમાવ્યા વગર તેણે પોતાની બધી જ તાકાત શારીરિક અને માનસિક ભેગી કરીને સિંહણને વળતો ધક્કો માર્યો પોતાની ઝુંપડીના દરવાજા બહાર ધકેલી દીધી. બસ આ મીનિટોના ખેલમાં વિપુલ ખેલૈયા માટે આ રાત એક યાદગાર સંભારણનું બની ગઈ. સિંહણે તો કલ્પના પણ નહીં કરી હોય કે જેને તે સહેલો શિકાર ગણીને આગળ વધી હતી તે આવી રીતે વળતો પ્રહાર કરશે. બસ પછી શું સિંહણે એક જ ઝાટકે મળલી હારને સ્વિકારીને પારોઠના પગલા ભરી લીધા અને પરત જંગલના અંધારામાં ઓગળી ગઈ.

અમારા સહયોગી સાથે વાત કરતા વિપુલે આ રાતને યાદ કરી કહ્યું કે ‘મે જ્યારે તેને ધક્કો માર્યો ત્યારે સિંહણને સમજાઈ ગયું હશે કે હું તેનો કુદરતી શિકાર નથી કેમ કે બીજા કોઈ પ્રાણીઓ આ રીત પ્રતિકાર કરતા નથી.’ અભરામપરાની પાસે આવેલ જબાલ ગામના સરપંચ ભુપેન્દ્ર ખુમાણ કહે છે કે ‘ભવિષ્યમાં આવા ઘણા કિસ્સા સામે આવી શકે છે કે કેમ કે સિંહ પરિવારો હવે અભ્યારણ્યમાંથી બહાર નીકળીને જુદા જુદા સીમ વિસ્તારોમાં પોતાનો વસવાટ કરી રહ્યા છે. અમારા બંને ગામની સીમમાં ઘણીવાર આ સિંહો દેખાય છે. જ્યારે તેઓ પોતાના પાળીતા ઢોર ચરાવવા જાય છે જ્યારે તેમની સાથે આવી ઘટના બનવાના ચાન્સ વધી જાય છે.’

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..