ભારતમાં ખાનગી હોસ્પિટલોમાં થતી સીઝેરિયન ડિલિવરી મોંઘી, પરિવારો પર વધી રહ્યું છે ખર્ચનું ભારણ, રિપોર્ટમાં સામે આવી ચોંકાવનારી વિગતો

ખાનગી હોસ્પિટલોમાં સીઝેરિયન ડિલિવરીનું વધતું પ્રમાણ ભારતીય પરિવારોને દર વર્ષે 5000 કરોડનો વધારાનો ખર્ચ કરાવી શકે છે. આ ચોંકાવનારી વિગતો ત્રણ રિપોર્ટના વિશ્લેષણ પરથી બહાર આવી છે. સેમ્પલ રજિસ્ટ્રેશન સિસ્ટમ, સિવિલ રજિસ્ટ્રેશન સિસ્ટમ અને નેશનલ સ્ટેટિસ્ટિકલ ઓફિસ (NSO) દ્વારા હાલમાં જ બહાર પડાયેલા રિપોર્ટના આધારે આ વિગતો જાણવા મળી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

ડેટાના વિશ્લેષણમાં જાણવા મળ્યું કે, 2018માં દેશભરની ખાનગી હોસ્પિટલોમાં 28.5 લાખ સીઝેરિયન કરવામાં આવ્યા, જે સામાન્ય ડિલિવરી અને સીઝેરિયનના આંતરરાષ્ટ્રીય પ્રમાણ કરતાં વધારે હતા. દરેક સીઝેરિયન વખતે સરેરાશ 18,000 રૂપિયા ખર્ચ વધારે થાય છે. મતલબ કે, 28.5 લાખ વધારાના સીઝેરિયનનો કુલ ખર્ચ 5,130 કરોડ રૂપિયા થાય છે.

સિવિલ રજિસ્ટ્રેશન સિસ્ટમના રિપોર્ટ પ્રમાણે, 2018માં ભારતમાં આશરે 26 મિલિયન બાળકોનો જન્મ થયો હતો. 2018ના સેમ્પલ રજિસ્ટ્રેશન સિસ્ટમ રિપોર્ટ મુજબ, ભારતના ગ્રામ્ય વિસ્તારોમાં જન્મદર 21.6 છે જ્યારે શહેરી વિસ્તારનો 16.7 છે. મધ્ય વર્ષની અંદાજિત 1.3 બિલિયન અથવા 860 મિલિયનના 66% વસ્તી ગ્રામ્ય વિસ્તારોમાં હતી જ્યારે 443 મિલિયન (43 ટકા) શહેરી વિસ્તારોમાં હતી. આ આંકડાઓમાં જન્મદરની વાત કરીએ તો, 2018માં 18.6 મિલિયન બાળકો ભારતના ગ્રામ્ય વિસ્તારોમાં જન્મ્યા હતા જ્યારે 7.4 મિલિયન બાળકો શહેરી વિસ્તરોમાં જન્મ્યા હતા.

આરોગ્ય પાછળ થયેલા ખર્ચાના NSOના રિપોર્ટ પ્રમાણે, ગ્રામ્ય વિસ્તારોમાં 21.3 ટકા ડિલિવરી અને શહેરી વિસ્તારોમાં 47.8 ટકા ડિલિવરી ખાનગી હોસ્પિટલોમાં થઈ. મતલબ કે, દેશના ગ્રામ્ય વિસ્તારોમાં 39.6 લાખ બાળકો અને શહેરી વિસ્તારોમાં 35.4 લાખ બાળકોનો જન્મ ખાનગી હોસ્પિટલોમાં થયો. કુલ 75 લાખ બાળકો ખાનગી હોસ્પિટલોમાં જન્મ્યા હતા.

ખાનગી હોસ્પિટલોમાં સીઝેરિયન કરાવવાનો ખર્ચ 55 ટકા હતો, જે સરકારી હોસ્પિટલો કરતાં 38 ટકા વધુ છે. સરકારી હોસ્પિટલમાં સીઝેરિયનનો ખર્ચ 17 ટકા છે. NSOના રિપોર્ટમાં નોર્મલ અને સીઝેરિયન ડિલિવરીનો ગ્રામ્ય અને શહેરી વિસ્તારમાં કેટલો ખર્ચ થાય છે તેની પણ માહિતી છે. ડેટાની તુલના કરતાં જાણવા મળ્યું કે, ગામડાઓમાં સીઝેરિયન ડિલિવરીનો સરેરાશ ખર્ચ 16,475 રૂપિયા વધુ થાય છે જ્યારે નાના અને મોટા શહેરોમાં 19,548 રૂપિયા વધુ થાય છે. વધારાના ખર્ચની સરેરાશ કાઢીએ તો 18,000 રૂપિયાની આસપાસ થાય છે. હવે આ રકમનો 28.5 લાખ સાથે ગુણાકાર કરીએ તો પ્રાઈવેટ સેક્ટરમાં સીઝેરિયન ડિલિવરીનો કુલ ખર્ચ 5,130 કરોડ રૂપિયા થાય છે.
પરંતુ શું 17 ટકા વ્યાજબી માપદંડ છે? નોર્ડિક દેશો કે જે ઉત્તમ હેલ્થકેર સેવા માટે વખણાય છે ત્યાં સીઝેરિયન સેક્શનનો ખર્ચ તમામ ડિલિવરીના 17 ટકા છે. ઈન્ટરનેશનલ હેલ્થકેર કમ્યુનિટીએ 1985થી સીઝેરિયન સેક્શનનો આદર્શ દર 10-15% રાખ્યો છે, તેમ WHOના એક નિવેદનમાં જણાવાયું છે.

NSOના લેટેસ્ટ રિપોર્ટ મુજબ, ભારતમાં સી-સેક્શનના દરમાં ઉત્તરોત્તર વધારો થયો છે. 2005-06માં 9 ટકા હતો તે વધીને 2015માં 18 ટકા થયો અને હાલ 28 ટકા છે. સિતારામ ભારતીય હોસ્પિટલ (એવી હોસ્પિટલોમાંની એક કે જેણે સીઝેરિયનના દર જાહેર કર્યા છે)ના ડૉ. રિંકુ સેનગુપ્તાએ કહ્યું, “2015-16ના નેશનલ ફેમિલી હેલ્થ સર્વેમાં સીઝેરિયનનો દર 17% હતો જે વધીને 28 ટકા થઈ ગયો છે, તે ખૂબ જ ચોંકાવનારું અને ચેતવણી આપતું છે. ખૂબ જ ટૂંકાગાળામાં મોટી છલાંગ લગાવી છે. આ પરથી સાબિત થાય છે કે આપણે આ મુદ્દે બોલવું જરૂરી છે. ડેટા એકત્ર થવો જોઈએ અને જે સારવાર અપાય છે તેનો ટ્રેક પદ્ધતિસર રાખવો જોઈએ. સીઝેરિયન પરિવારના ખર્ચ પર આવતા ભારણનો એક ભાગ માત્ર છે. ચિંતાજનક બાબત તો વારંવાર સીઝેરિયન કરવાના લીધે ઊભા થતાં કોમ્પ્લિકેશન છે, જે ખાસ કરીને ગામડાઓમાં જોવા મળે છે.” મહત્વનું છે કે, સિતારામ ભારતીય હોસ્પિટલ સી-સેક્શનનો દર 17-19 ટકા સુધી લાવવામાં સફળ રહી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..