અમદાવાદમાં લોકડાઉનમાં મહેકી ઉઠી માનવતા, મુસ્લિમ પાડોશીઓએ ઘરમાં એકલા રહેતાં હિન્દુ શિક્ષિકાના કરાવ્યા અંતિમ સંસ્કાર

માનવતાની એક હ્રદયસ્પર્શી ઘટનામાં મુસ્લિમ પાડોશીઓએ શહેરમાં મૃત્યુ પામેલી હિન્દુ મહિલાના અંતિમ સંસ્કાર કરાવ્યા. ખાનપુરમાં આવેલી ઉષા કિરણ બિલ્ડિંગમાં એકલા રહેતા 75 વર્ષના મંદાકીની ત્રિપાઠીનું ગુરુવારે આકસ્મિત રીતે ઘરમાં પડી જતા કલાકોમાં મોત નિપજ્યું હતું. મંદાકીની બહેનના પાડોશીઓ અમેરિકામાં રહેતા તેમના ભત્રીજા સાથે સંપર્કમાં હતા. જેણે જણાવ્યું કે શહેરમાં તેમના બે દૂરના સંબંધીઓ રહે છે. જેમનો સંપર્ક કરીને મુસ્લિમ પાડોશીઓએ અંતિમક્રિયાનું બધું કામ પૂરું કર્યું. આ સાથે તેમણે કોમી એકતાનું ઉત્તમ ઉદાહરણ પૂરું પાડ્યું હતું.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો

મંદાકીનીની અંતિમક્રિયામાં મદદ કરનારા એક પાડોશી સાહલ કુરેશી કહે છે, મને તે જ બિલ્ડીંગમાં રહેતા નાસીરુદ્દીન અજમેરી અને જોહર તારવાલાનો ફોન આવ્યો હતો. જેમણે જણાવ્યું કે, તેમની બિલ્ડીંગમાં રહેતા સીનિયર સીટિઝન ઘરમાં પડી ગયા છે. બિલ્ડીંગના બધા લોકો તેમના ઘરે દોડી ગયા. પરંતુ તેઓ બચી ન શક્યા.’ પાડોશીઓ મૃતકના અમેરિકામાં રહેતા ભત્રીજા સાથે સંપર્કમાં હતા. જેણે તેમને અમદાવાદમાં રહેતા સંબંધીઓના નંબર આપ્યા.

દૂધેશ્વરના સ્મશાનગૃહમાં મૃતક મહિલા માટે અંતિમ સંસ્કારની વ્યવસ્થા કરવામાં મદદ કરનાર હકીમ યાસિર કહે છે, ‘મંદાકીની બહેનની અંતિમયાત્રામાં બિલ્ડીંગ અને આસપાસની બિલ્ડીંગોમાંથી લોકો સ્મશાન સુધી ગયા હતા. અમારામાંથી કોઈની આંખમાં આસું રોકાતા નહોતા. તેમના સંબંધીઓએ અમારો હાથ પકડીને અંતિમ સંસ્કારની વ્યવસ્થા કરી આપવા બદલ આભાર માન્યો.’ કહીમ કહે છે, આ ભારતનું સાચું ચિત્ર છે. આ સાબિત કરે છે કે આપણે બધા એક છીએ. આ સાથે વૃદ્ધ મહિલાના અંતિમ સંસ્કારમાં સહલ કુરેશી, આરિફ શેખ, સમિર જરીવાલા સહિતના લોકોએ પણ મદદ કરી હતી.

મૃતક વૃદ્ધ મહિલાના દૂરના સંબંધી રજનીકાંત ત્રિવેદી કહે છે, ‘તેમના પતિ થોડા વર્ષો પહેલા જ મૃત્યુ પામ્યા હતા. તેઓ હંમેશા પાડોશીઓ પ્રત્યેથી મળતા પ્રેમ અને આદરના વખાણ કરતા હતા. તેઓ કહેતા, માણસાઈ કોઈપણ વ્યક્તિના ધર્મથી ઉપર હોય છે. મંદાકિની બહેનના પાડોશીઓ મોટાભાગે મુસ્લિમ અને દાઉદી બોહરા છે. જેઓ અંતિમ સંસ્કાર સમયે આદર સાથે ઊભા રહ્યા અને અંત્યેષ્ઠીમાં કાંધ પણ આપી હતી.’

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..