એક સ્કૂલ આવી પણ! કોરોના સમયે વાલીઓની પીડા સમજીને હિંમતનગરની સ્કૂલે તમામ વિદ્યાર્થીઓની આખા વર્ષની ફી માફ કરી

કોરોનાને કારણે (Coronavirus) રાજ્યમાં સ્કૂલ/કૉલેજો શરૂ કરવાની મંજૂરી નથી આપવામાં આવી. બીજી તરફ નવું શૈક્ષિણક સત્ર શરૂ થતાની સાથે જ સ્કૂલના સંચાલકો (School Owners)એ સરકારની મનાઇ છતાં વાલીઓ પર સ્કૂલ ફી (School Fee) ભરવા માટેનું દબાણ વધારી દીધું છે. તેમાં પણ ઓનલાઇન એજ્યુકેશન (Online Education) શરૂ થતાંની સાથે જ સ્કૂલોએ પોતાના ખિસ્સા ભરવાનું શરૂ કરી દીધું છે. આવા કપરા સમયમાં ચારેતરફથી સ્કૂલની ફી માફ કરવાની માંગ ઉઠી રહી છે ત્યારે હિંમતનગરના નવા ગામ ખાતે આવેલી માણેક ઈન્ટરનેશનલ સ્કૂલે (Manek International School) વાલીઓને સુખદ આંચકો આપ્યો છે! સ્કૂલ તરફથી ચાલુ વર્ષની તમામ ફી માફ કરી દેવાની જાહેરાત કરવામાં આવી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

સાબરકાંઠાના હિંમતનગર પાસે નવા ગામ ખાતે માણેક ઈન્ટરનેશનલ સ્કૂલ આવી છે. આ સ્કૂલે વાલીઓની ચિંતા સમજીને સામેથી જ આખા વર્ષની ફી માફ કરી દીધી છે. કોરોનાને કારણે દરેક વ્યક્તિને આર્થિક નુકસાન થયું છે ત્યારે આ સ્કૂલે વાલીઓને ફી પૂરતી જવાબદારીમાંથી મુક્ત કર્યાં છે. હાલ આ સ્કૂલ તરફથી બાળકોને ઓનલાઇન એજ્યુકેશન આપવામાં આવી રહ્યું છે.

આ સ્કૂલની વાત કરવામાં આવે તો અહીં 330 વિદ્યાર્થીઓ છે. અહીં કેજીથી લઈને ધોરણ આઠ સુધીનો અભ્યાસ ચાલે છે. સ્કૂલની સરેરાશ ફી 11 હજાર રૂપિયા જેટલી છે. એટલે કે ગણતરી કરતા આ ફી 20 લાખ રૂપિયા જેટલી થાય છે. સ્કૂલ તરફથી આ તમામ ફી માફ કરી દેવામાં આવી છે. સ્કૂલના આવા નિર્ણયને કારણે વાલીઓ પણ ખૂબ ખુશ છે.

મધ્ય અને ગરીબ વર્ગ કોરોનાને કારણે આર્થિક મંદીથી પીડાઈ રહ્યો છે ત્યારે સ્કૂલના આવા પગલાંની ખૂબ જ પ્રશંસા કરવામાં આવી રહી છે. કોરોનાને આ કપરા કાળમાં અન્ય સ્કૂલ પણ હિંમતનગરની આ સ્કૂલ પાસેથી પ્રેરણા લે તે આવકાર્ય છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..