નર્મદા જિલ્લામાં કેવડીયા કોલોની પાસે વિશ્વની સૌથી ઉંચી સરદાર પટેલની પ્રતિમા દુનિયાભરમાં આકર્ષણનું કેન્દ્ર બની છે. રોજના સેંકડો પ્રવાસીઓ સ્ટેચ્યુ ઓફ યુનિટીની મુલાકાતે આવી રહ્યા છે. ત્યારે સ્ટેચ્યુ ઓફ યુનિટી પાસે વધુ આકર્ષણના કેન્દ્રો વિકસાવવાના પ્રોજેક્ટમાંથી એક કેવડીયા જંગલ સફારી પાર્ક તૈયાર થઈ ગયો છે. ગત 18મી ફેબ્રુઆરીથી તેને પ્રવાસીઓ માટે પ્રાયોગિક ધોરણે ખુલ્લો મૂકવામાં આવ્યો હતો.
કેવડીયામાં 182 મીટર ઊંચી સરદાર પટેલની પ્રતિમાના સંલગ્ન બનેલા સરદાર પટેલ ઝુલોજીકલ પાર્કને સેન્ટ્રલ ઓથોરિટી તરફથી મંજૂરી મળ્યા બાદ ખુલ્લો મૂકાયો હતો. જેમાં પહેલા દિવસે 669 જેટલા પ્રવાસીઓએ સફારી પાર્કની મુલાકાત લીધી હતી. 375 એકરમાં ફેલાયેલા આ જંગલ સફારી પાર્કમાં 62 જાતના કુલ 1 હજાર પ્રાણી-પક્ષીઓનો સમાવેશ કરવામાં આવ્યો છે. જેમાં વાઘ, જિરાફ, ઝિબ્રા, સિંહ, મગર, વરૂ સહિતના રંગબેરંગી પક્ષીઓ છે.
આ સફારી પાર્કમાં ફરવા માટે ઈલેક્ટ્રિક કારમાં અને ચાલતા જોવાની સગવડ ઊભી કરવામાં આવી છે. સ્ટેચ્યુ ઓફ યુનિટીની મુલાકાતે આવનારા પ્રવાસીઓ માટે કુદરતી વાતાવરણ તથા વન વિસ્તારમાં ફરતા હોય તેવો અહેસાસ થાય એ રીતે સફારી પાર્કનું નિર્માણ કરાયું છે. પાર્કની મુલાકાતે આવેલા પ્રવાસીઓમાં અનેરો ઉત્સાહ જોવા મળ્યો હતો.
સ્ટેચ્યુ ઓફ યુનિટીની મુલાકાતે જતા દરમિયાન સફારી પાર્કની મુલાકાત માટે પ્રવાસીઓ soutickets.in પરથી ઓનલાઈન ટિકિટ મેળવી શકે છે. તેમજ સ્થળ પરની ટિકિટબારી પરથી પણ ટિકિટ મેળવી શકાય છે. પાર્કની મુલાકાતનો સમય સવારે 8થી સાંજને 5 વાગ્યા સુધીનો રહેશે..
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..