લોકડાઉનમાં લુડો રમતાં પત્નીએ પોતાના પતિને સતત હરાવતા નારાજ પતિએ પત્નીને ઢોર માર મારી કમર ભાંગી નાખી

લોકડાઉનમાં લોકો ઘરમાં બંધ છે ત્યારે ઓનલાઈન ગેમ રમવાનું ચલણ વધ્યું છે. એક નિર્દોષ આનંદ આપવા સાથે ટાઇમપાસ કરાવતી આ ગેમ ક્યારેક મોટા ઝગડાનું પણ સ્વરુપ લઈ શકે છે. આવું જ કંઈક વડોદરમાં રહેતા કપલ સાથે થયું. જેમાં પતિ-પત્ની બંને એકબીજા સાથે ઓનલાઈન લુડો રમતા હતા. તે દરમિયાન પત્ની સતત ગેમ જીતવાથી પતિને ગુસ્સો આવ્યો અને તેણે પત્નીને ઢોર માર મારતા તેની કમર ભાંગી નાખી હતી.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો

મહિલા હેલ્પલાઈન અભયમના કાઉન્સેલરના જણાવ્યા મુજબ વેમાલીમાં રહેતી 24 વર્ષીય મહિલા પોતાના પરિવારને આર્થિકરીતે મદદરુપ થવા માટે ઘરે ટ્યુશન ક્લાસિસ પણ ચલાવતી હતી. જોકે આ લોકડાઉનના સમયમાં પતિ બહાર સોસાયટીમાં અન્ય લોકો સાથે સમય પસાર કરવા ન જાય તે માટે તેણે ઘરમાં જ બંને લુડો રમવાની વાત કરી હતી. જેની સાથે પતિ સહમત થતા બંને પતિ-પત્ની ઘરમાં જ બેસીને લુડો રમતા હતા. જેમાં 4 રાઉન્ડ પૈકી ઉપરાછાપરી 3 રાઉન્ડમાં પત્નીએ પતિને હરાવ્યો હતો.

આ હાર ન સહન કરી શકતા તેણે પત્ની સાથે શાબ્દીક બોલાચાલી કરી. જે બાદ બંને વચ્ચે વાત વણસી જતા તેણે પત્નીને એવો ઢોર માર માર્યો કે તેની કરોડરજ્જુમાં આવેલા મણકાઓ વચ્ચે જગ્યા થઈ ગઈ. અભયમના કાઉન્સેલરે કહ્યું ગેમમાં હાર બાદ પતિના ઈગોને ઠેસ વાગી હતી અને તેણે વિચાર્યું કે પત્ની પોતે વધુ ઈન્ટેલિજન્ટ છે તેવું સાબિત કરવા માગે છે.

કાઉન્સેલરે વધુમાં જણાવ્યું કે, ‘મહિલાને એક ઓર્થોપેડિક સર્જન પાસે સારવાર માટે લઈ જવામાં આવી હતી. જે બાદ તેણે પોતાના પતિની જગ્યાએ માતા-પિતાના ઘરે જવાની ઇચ્છા વ્યક્ત કરી હતી. જેથી અમે બંનેનું કાઉન્સેલિંગ કર્યું હતું અને ત્યારબાદ મહિલાને પૂછવામાં આવ્યું હતું કે શું તે ફરિયાદ દાખલ કરવા માગે છે કે અંદરોઅંદર સમાધાન કરવા માગે છે. ત્યારે પતિએ પણ મહિલાની માફી માગી હતી. જે બાદ મહિલાએ થોડા દિવસ પોતાના માતા-પિતા સાથે રહેવા બાદ પરત ફરવા માટે હામી ભરી દીધી હતી.’

અભયમના કાઉન્સેલર દ્વારા બંને પતિ-પત્ની પાસેથી તમામ વિગતો લેખીતમાં લેવામાં આવી હતી. આપણે જણાવી દઈએ કે લોકડાઉન દરમિયાન ઘરેલું હિંસામાં બે ગણો વધારો થયો છે. રિપોર્ટ પ્રમાણે મહિલા આયોગે આ વર્ષે 27 ફેબ્રુઆરીથી 22 માર્ચ વચ્ચે અને લોકડાઉન દરમિયાન 23 માર્ચથી 16 એપ્રિલ વચ્ચે કરવામાં આવેલ ફરિયાદોના આધારે આ આંકડા જાહેર કર્યા છે. આ મુજબ, લોકડાઉન પહેલા કમિશનને ઘરેલુ હિંસાની 123 ફરિયાદો મળી હતી જ્યારે 239 કેસ લોકડાઉન દરમિયાન ઓનલાઇન અને અન્ય માધ્યમથી નોંધાયા છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..