ચીનની એક ડોક્યુમેન્ટ્રીમાં સંશોધકો જે કરી રહ્યા છે તે જોતા કોરોના વાયરસ કાવતરુ હોવાની વાતને મળે છે સમર્થન

કોરોના વાયરસનો ઉદ્દભવ ચીનના વુહાન શહેરમાં થયો હતો અને હાલમાં તે સમગ્ર વિશ્વમાં ફેલાઈ ગયો છે. જોકે, ચીનનું કહેવું છે કે કોરોનાનો પ્રથમ કેસ ભલે તેમના દેશમાં જોવા મળ્યો છે પરંતુ તે ચીનમાં ઉદ્દભવ્યો છે તેવા કોઈ પૂરાવા નથી. આ ઉપરાંત આ વાયરસ ચામાચિડિયામાંથી આવ્યો હોવાનું પણ કહેવા છે. એક ડોક્યુમેન્ટ્રીમાં ચીનનું જુઠ્ઠાણું ખુલ્લી પડી ગયું છે. એક ડોક્યુમેન્ટ્રીમાં જોવા મળે છે કે ચીનના એક વાયરોલોજીસ્ટ પર્વતોમાં જંગલી ચામાચિડિયા પકડી રહ્યા છે જે સંકેત આપે છે કે નોવલ કોરોના વાયરસ વુહાનના ડિસિઝ કન્ટ્રોલ ઓથિરિટીમાં ઉદ્દભવ્યો હોઈ શકે છે.

સાત મિનિટની આ ડોક્યુમેન્ટ્રી ફિલ્મમાં જોવા મળે છે કે સેન્ટરના સંશોધક ટિઆન જુનહુઆ ચામાચિડિયાને પકડવા માટે હુબેઈ પ્રાંતની ઘણી ગુફાઓમાં જાય છે. આને લઈને કોરોના વાયરસનના ઉદ્દભવને લઈને ફરીથી ચર્ચા શરૂ થઈ ગઈ છે. ઘણા લોકોનું માનવું છે કે આ વાયરસ માણસે ઊભો કર્યો હોવાની સંભાવના છે.

જોકે, આને લઈને ઘણી સંભાવના વ્યક્ત કરવામાં આવી રહી છે. જેમાં કહેવાય છે કે આ વાયરસ માટે વુહાન ઈન્સ્ટિટ્યુટ ઓફ વાયરોલોજી અથવા તો અમેરિકન સૈન્ય જવાબદાર છે. ઘણા લોકો દાવો કરી રહ્યા છે કે આ એક બાયો-વેપન છે જે અમેરિકા અથવા તો ચીન દ્વારા બનાવવામાં આવ્યું છે.

ડેઈલી મેલના અહેવાલ પ્રમાણે અમેરિકાના એક મેડિકલ પ્રોફેસરે આ વાતને સમર્થન આપ્યું નથી. જોકે, SARS-Cov-2 નામથી જાણીતા આ વાયરસનું મૂળ શું છે તે હજી સુધી જાણી શકાયું નથી. વૈજ્ઞાનિકોનું કહેવું છે કે આ વાયરસ ચામાચિડિયા, સાપ, પેંગોલિન્સ કે અન્ય જંગલી જાનવરમાંથી આવ્યો હોઈ શકે છે.

અગાઉ ચીનના સ્વાસ્થ્ય સત્તાવાળાઓએ દાવો કર્યો હતો કે વુહાનના ફૂડ માર્કેટમાં પ્રાણીઓના વેચાણમાંથી આ વાયરસ માણસમાં આવ્યો હોઈ શકે છે. અત્યાર સુધી આ વાયરસના કારણે વિશ્વમાં 42,300થી વધારે લોકોના મોત નીપજ્યા છે જ્યારે 8,60,000 લોકોને આનો ચેપ લાગ્યો છે.

આ ડોક્યુમેન્ટરીનું નામ ‘યુથ ઈન ધ વાઈલ્ડઃ ઈન્વિન્સિબલ ડિફેન્ડર’ છે જે યુવાન ચાઈનિઝ વૈજ્ઞાનિકોના કામનો એક ભાગ છે. આ ડોક્યુમેન્ટ્રી ચાઈના એસોસિયેશન ફોર સાયન્સ એન્ડ ટેકનોલોજી દ્વારા સંચાલિત વેબસાઈટ ચાઈના સાયન્સ કોમ્યુનિકેશન વેબસાઈટ દ્વારા પ્રોડ્યુસ કરવામાં આવી છે. આ ડોક્યુમેન્ટ્રી ડિસેમ્બરમાં રિલિઝ થઈ હતી અને તેના થોડા સપ્તાહ બાદ વુહાનમાં આ વાયરસ સામે આવ્યો હતો.

આ માટે તિઆન પોતાના રિસર્ચ વર્ક માટે ચામાચિડિયા પકડવા દિવસો સુધી ગંદી અને અંધારી ગુફાઓમાં ફર્યા હતા. બે બાળકોના પિતા 40 વર્ષીય તિઆન વુહાન મ્યુનિસિપલ સેન્ટર ફોર ડિસિઝ કન્ટ્રોલ એન્ડ પ્રિવેન્શન ખાતે ડિપાર્ટમેન્ટ ઓફ ડિસઈન્ફેક્શન એન્ડ પેસ્ટ કંટ્રોલના એસોસિયેટ ચિફ ટેકનિશિયન છે.

વિડીયોમાં જોવા મળે છે કે કેવી રીતે તિઆન અને તેમના સાથીઓ ગુફાઓમાં જઈને ચામાચિડિયા પકડે છે. તેમનું કહેવું છે કે અન્ય જાણીતા પશુ-પક્ષીઓની જેમ ચામાચિડિયા પણ ઘણા વાયરસ ધરાવે છે. ચામાચિડિયામાં માણસોના રોગ માટે જવાબદાર ઘણા વાયરસ રહેલા હોય છે. તેમણે સ્વીકાર્યું હતું કે આ કામ દિવસો સુધી ચાલ્યું હતું અને તેમને ઘણી વખત ડર પણ લાગ્યો હતો.

તેમણે કહ્યું હતું કે, હું ડર અનુભવી શકતો હતો, મને ચેપ લાગવાનો ડર લાગતો હતો. ડરના કારણે હું પ્રત્યેક પગલું ઘણું સાવધાનીપૂર્વક લેતો હતો. અંતમાં તેમણે જણાવ્યું હતું કે મને આશા છે કે આ વાયરસ સેમ્પલ્સ ફક્ત વૈજ્ઞાનિક સંશોધન માટે જ ઉપયોગમાં લેવામાં આવશે, રિયલ લાઈફમાં તેનો ઉપયોગ નહીં થાય.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..