અમેરિકમાં બાયોટેક કંપની ધરાવતા ડોક્ટરે કરી કોરોના અંગે ખૂબ મોટી જાહેરાત, જો બધું બરાબર રહ્યું તો કોરાનાના કહેરમાંથી છૂટકારો મળી જશે

નેટફ્લિક્સ ડૉક્યુમેન્ટ્રી ‘પેન્ડામિક’થી ચર્ચામાં આવેલા અમેરિકી સાયન્ટિસ્ટનું કહેવું છે કે તેમની ટીમે કોરોના વાયરસનો ઇલાજ શોધી કાઢ્યો છે. ડૉ. જૈકબ ગ્લાનવિલેએ જણાવ્યું છે કે સાર્સ પેદા કરનારા વાયરસની વિરુદ્ધ ઉપયોગ કરવામાં આવેલ અનેક એન્ટીબૉડીઝનાં ઉપયોગથી તેમણે આ સફળતા મેળવી છે.

અમેરિકન ન્યુઝ પોર્ટલ ન્યુયોર્ક પોર્ટના અહેવાલ પ્રમાણે પ્રમાણે સાન ફ્રાન્સિસ્કોમાં રહેનારા ફિઝિશિયન અને ડિસ્ટ્રીબ્યૂટેડ બાયો નામની બાયોટેક કંપનીના સીઈઓ ડૉ. જૈકબ ગ્લાનવિલેએ કહ્યું કે ‘અમને એ જણાવતા ખુશી થઈ રહી છે કે એન્જિનિયરિંગનું કામ પૂર્ણ કરી લેવામાં આવ્યું છે. હવે અમારી પાસે એક પ્રભાવશાળી એન્ટીબૉડીઝ છે જે કોરોના વાયરસની વિરુદ્ધ કામ કરી શકે છે. રેડિયો ન્યૂઝીલેન્ડ સાથે વાત કરતા સાયન્ટિસ્ટે કહ્યું કે તેમની ટીમે સાર્સની વિરુદ્ધ 2002માં ઉપયોગમાં લેવામાં આવેલા 5 એન્ટીબોડીઝનો ઉપયોગ કોરોના વાયરસ સામે કર્યો છે અને તેમને સફળતા મળી છે.

આ જ એન્ટીબોડીઝ દ્વારા તેમણે કોરોના વાયરસનો ઇલાજ શોધવાનો પ્રયત્ન કર્યો. સાર્સ અને SARS-CoV-2 એક જ ફેમિલીનાં વાયરસ છે. અમેરિકી વૈજ્ઞાનિકે કહ્યું કે, અત્યાર સુધી તેઓ એન્ટીબોડીઝનાં લાખો વર્ઝન તૈયાર કરી ચુક્યા છે. તેને મ્યૂટેટ પણ કરવામાં આવ્યા છે. નવા એન્ટીબોડીઝનાં માણસો પર પરીક્ષણ થયા બાદ આનો ઉપયોગ કોરોના વાયરસની વિરુદ્ધ કરવામાં આવી શકે છે. પરીક્ષણ સફળ થયા બાદ સરકારી એજન્સીની પાસે આને મંજૂરી માટે મોકલવામાં આવી શકે છે.

ડૉ. જૈકબ ગ્લાનવિલેએ કહ્યું કે, આ એન્ટીબોડીઝ એસ-પ્રોટીન્સને બાઇન્ડ કરે છે જેના દ્વારા કોરોના વાયરસ શરીરમાં પ્રવેશ કરે છે. તેમણે કહ્યું કે તમામ રિસર્ચ ફરીથી શરુ કર્યા બાદ એન્ટીબોડીઝ તૈયાર કરવામાં વધારે સમય લાગી શકે છે. આ માટે તેમણે પહેલાથી જ હાજર એન્ટીબોડીઝનો ઉપયોગ કર્યો છે.

વેક્સીન લોકોની આજીવન રક્ષા કરે

જો આ એન્ટીબોડીનુ પરીક્ષણ સફળ થાય છે તો, શોર્ટ ટર્મ માટે તેનો વપરાશ કરવામાં આવી શકે છે. અસલમાં વેક્સીન લોકોની આજીવન રક્ષા કરે છે, પરંતુ શોર્ટ ટર્મ વેક્સીન 10 વર્ષ સુધી લોકોને સુરક્ષા આપે છે. ઉલ્લેખનીય છે કે, કોરોના વાયરસ અત્યાર સુધીમાં દુનિયાભરમાં 8,62,500 થી વધારે લોકોને સંક્રમિત થઈ કરી ચૂક્યો છે. 42,500 થી વધારે લોકોની કોરોનાના કારણે જીવ પણ ગયો છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..