દેશની સુરક્ષાની વાત આવે ત્યારે સૌથી પહેલા જવાનોના શૌર્ય અને સાહસનો ઉલ્લેખ થાય છે. વતન પ્રત્યેનો જવાનોનો એવો પ્રેમ હોય છે કે તેમને ગોળીઓ પણ અસર નથી કરી શકતી. એવી કહેવત છે કે ઘાયલ થયેલો સિંહ વધારે ખુંખાર હોય છે. સેન્ટ્રલ રિઝર્વ પોલીસ ફોર્સ (CRPF)ના ડેપ્યુટી કમાન્ડન્ટ (Deputy Commandant) રાહુલ માથુર (Rahul Mathur) હાલ ઘાયલ છે પરંતુ તેમનો જુસ્સો આજે પણ યથાવત છે. શ્રીનગરની મિલિટરી હોસ્પિટલમાં (Military hospital)થી આવેલી એક તસવીર તેનું શ્રેષ્ઠ ઉદાહરણ છે. CRPF દ્વારા પણ લખવામાં આવ્યું છે કે જો બહાદૂરીનો કોઈ ચહેરો હોત તો તે આ રીતે જ ખુશ હોત. માથુર ગુરુવારે જમ્મુ-કાશ્મીર (Jammu and Kashmir)માં આતંકીઓ સાથે થયેલી અથડામણ દરમિયાન ઘાયલ થયા હતા. તેમના શરીરમાં બે ગોળીઓ ઘૂસી ગઈ હતી, આવી જ સ્થિતિમાં પણ તેમણે હાર ના માની અને આતંકીઓને ઉપરનો રસ્તો બતાવી દીધો.
પ્રેગનેન્સી દરમિયાન માત્ર માતા જ નહીં, બાળકને પણ રક્ષણ આપે છે થ્રી ઈન વન વેક્સિન
ઘાયલ હાલતમાં જ આતંકીઓને કર્યા ઠાર
અંદરના ઈનપુટ્સ હતા કે બાતમાલુના ફિરદોસાબાદમાં કેટલાક આતંકીઓ છૂપાયેલા છે. બુધવારે રાત્રે જ ડેપ્યુટી કમાન્ડન્ટ રાહુલ માથુરની આગેવાનીમાં CISF અને જમ્મુ-કાશ્મીર પોલીસની ટીમ સ્પોટ માટે રવાના થઈ હતી. ગુરુવારની સવાર હજુ થઈ નહોતી અને ટીમે ઘરને ઘેરી લીધું હતું. દરવાજા બંધ હતા તો રાહુલ માથુર દિવાલ પર ચઢીને ઘરમાં ઘૂસ્યા. રુમની તપાસ ચાલી રહી હતી ત્યારે એક રુમમાં બેઠેલા આતંકીઓએ ફાયરિંગ શરુ કરી દીધું. રાહુલ માથુરની છાતી અને પેટમાં બે ગોળી વાગી હતી. પરંતુ તેમણે આતંકીઓનો સામનો કર્યો અને એ જ સ્થિતિમાં આતંકીઓને ઠાર કરી દીધા. આનંદ મહિન્દ્રાએ આ રાહુલ માથુરના સાહસ અને હિંમતની પ્રશંસા કરી છે.
That unconquerable smile. The strong thumbs up… If you want to feel optimistic about us all emerging stronger from the current crises, then look no further… https://t.co/aRtmrxFxZj
— anand mahindra (@anandmahindra) September 18, 2020
કુલ ત્રણ આતંકીઓને કર્યા ઠાર
ઓપરેશન દરમિયાન ઘાયલ થયેલા રાહુલ માથુરને શ્રીનગરની આર્મી હોસ્પિટલમાં લાવવામાં આવ્યા. તેમની સ્થિતિ ગંભીર હોવાનું કહેવાઈ રહ્યું હતું. સ્પોટ પર રહેલા જવાનોએ ઓપરેશન ચાલુ રાખ્યું હતું. ત્યાં સર્ચ ઓપરેશન બાદ વધુ બે આતંકીઓને ઠાર કરાયા હતા. તેમની પાસેથી મોટા પ્રમાણમાં હથિયાર અને દારુગોળો મળ્યા હતા.
પુલવામા જેવો હુમલો ટળ્યો
બીજી તરફ સુરક્ષાબળોએ ગુરુવારે કાશ્મીરના પુલવામા જિલ્લામાં મોટા પ્રમાણમાં વિસ્ફોટકો એકઠા કર્યા છે. એવી સંભાવના છે કે આતંકીઓ આ વિસ્ફોટકોનો ઉપયોગ મોટા હુમલા માટે કરવાના હતા. તપાસ દરમિયાન બે વિસ્ફોટક ડમ્પ મળ્યા, જેને અલગ-અલગ 250 લીટરવાળી પ્લાસ્ટિકની ટેંકોમાં જમીન નીચે છૂપાવાયા હતા. પોલીસે કહ્યું, “એક પ્લાસ્ટિક ટેંકમાં 416 ઉચ્ચ-વિસ્ફોટક જિલેટિન સ્ટિક્સ મળી છે, જ્યારે અન્ય પ્લાસ્ટિક ટેંકમાં 50 ડેટોનેટર્સ મળ્યા છે. ડેટોનેટર્સને બોમ ડિસ્પોઝલ સ્ક્વાડ તરફથી પોતાની સાથે લઈ જવાના બદલે ઘટના સ્થળ જ તેનો નાશ કરી દેવામાં આવ્યો.”
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..