લગભગ 4 મહિના પહેલા પ્લાસ્કિટની થેલીમાં મૃત હાલતમાં મળેલી નવજાત બાળકીની હત્યાનો ભેદ આખરે ઉકેલાઈ ગયો છે. મીડિયા રિપોર્ટ મુજબ અનૈતિક સંબંધોથી ગર્ભવતી બન્યા બાદ બાળકીને જન્મ આપી માતાએ બાળકીનું ગળું દબાવી હત્યા કરી હતી અને ત્યારબાદ લાશને કોચરબ વિસ્તારમાં ડોર ટુ ડોર કલેક્શનની ગાડીમાં પ્લાસ્ટિકની થેલીમાં ફેંકી દીધી હતી. સમગ્ર અમદાવાદ ક્રાઈમ બ્રાન્ચે નિષ્ઠુર માતાની ધરપકડ કરીને કાયદેસરની કાર્યવાહી હાથ ધરી છે.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
મીડિયા રિપોર્ટ મુજબ 14 ફેબ્રુઆરી 2021ના રોજ એલિસબ્રિજ વિસ્તારમાં કચરાની ગાડીમાં પ્લાસ્ટિકની થેલીમાંથી એક નવજાત બાળકીની લાશ મળી આવી હતી. આ સમગ્ર મામલે પાલડીના સેનેટરી ઇન્સ્પેકટર દ્વારા એક ફરિયાદ કરવામાં આવી હતી. જેના આધારે ક્રાઈમ બ્રાન્ચે તપાસ શરૂ કરતા માહિતી મળી હતી કે એક મહિલા જે કોચરબગામના ઠાકોર વાસના રાઠોડ ભુવન નામના મકાનના ત્રીજા માળે રહે છે, આ બાળકી તેની છે અને તેણે બાળકીની હત્યા કરી ફેંકી દીધી.
ત્યારબાદ પોલીસે આરોપી માતાની ધરપકડ કરીને કડક પૂછપરછ શરૂ કરતા તેણીએ ગુનો કબૂલ્યો હતો. પૂછપરછ દરમિયાન વધુમાં જાણવા મળ્યું કે, મહિલા મૂળ UPની વતની છે. તેમજ 4 વર્ષ પહેલા તેના લગ્ન થયા હતા અને તેના પતિ અમદાવાદમાં આવી સિક્યુરિટી ગાર્ડમાં નોકરી કરતા હતા અને એકલા રહેતા હતા. આરોપી મહિલાને અનૈતિક સંબંધોના કારણે બાળકી થતાં પતિ સાથે ઝઘડો પણ થયો હતો.
આ દરમિયાન આરોપી મહિલાનો પતિ 24 કલાકની નોકરી પર ગયા ત્યારે તેને પ્રસુતિની પીડા થવા લાગી અને બાદમાં તેણીએ એક બાળકીને જન્મ આપ્યો હતો જોકે બાળકીના જન્મ બાદ તેને વિચાર આવ્યો કે, આ બાળકી અનૈતિક સંબંધોના કારણે જન્મી છે. જેથી તેનો પતિ રાખશે નહીં અને તેને પણ કાઢી મૂકશે. જેથી મહિલાએ બાળકીનું ગળું દબાવીને તેની હત્યા કરી હતી અને લાશને પ્લાસ્ટિકની થેલીમાં પેક કરીને આખી રાત બાથરૂમમાં મૂકી દીધી હતી અને સવારે પતિ આવે તે પહેલા ડોર ટૂ ડોર કલેક્શનની ગાડીમાં ફેકી દીધી. હાલ સમગ્ર મામલે પોલીસે આરોપી માતા સામે કાયદેસરની કાર્યવાહી હાથ ધરી છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..