ગુજરાતમાં ચીનનો વિરોધ દિવસે નથી વધતો એટલો રાતે અને રાતે નથી વધતો એટલો દિવસે વધી રહ્યો છે ત્યારે વડોદરામાં ફરસાણની દુકાના વેપારીએ અનોખો વિરોધ આદર્યો છે.
ગલવાન વેલીમાં ભારત-ચીન વચ્ચે થયેલી હિંસક અથડામણમાં 20 જવાન શહીદ થતા ગુજરાત સહિત દેશભરમાં રોષ ભભૂકી રહ્યો છે. ચાઈનીઝ કાર, એપ અને મોબાઈલ સહિતની વસ્તુઓનો દેશભરમાં બહિષ્કાર કરવામાં આવી રહ્યો છે. સોશિયલ મીડિયા પર પણ #BoycottChineseProductsની ઝુંબેશ ચાલી રહી છે. ગુજરાતના મુખ્ય શહેરોમાં પણ ચાઈનીઝ પ્રોડક્ટસનો ઉગ્ર વિરોધ થઈ રહ્યો છે. ત્યારે વડોદરામાં ફરસાણના એક વેપારીએ ચાઈનાનો અનોખી રીતે વિરોધ નોંધાવ્યો છે. ફરસાણના માલિકે ચાઈનીઝ એપ જેમ કે ટિકટોક ડિલિટ કરવા પર ફાફડા સાથે જલેબી ફ્રી મળશે તેવી ગ્રાહકોને ઓફર કરી છે.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
10 દિવસ સુધી ઓફર ચાલુ રહેશે
ફરસાણની દુકાનના માલિક મયુરભાઈ પટેલે જણાવ્યું કે, સરહદ પર 20 જવાનો શહીદ થયા છે, આપણે બોર્ડર પર જઈને નથી લડી શકતા પરંતુ અહીં રહીને પણ દેશની સેવા થઈ શકે છે. જેથી અમારી ફરસાણની દુકાન પર આવતા તમામ ગ્રાહકોને ચાઈનીઝ એપ્લિકેશન જેમ કે ટિકટોટ પોતાના મોબાઈલમાંથી ડિલિટ કરવા પર ફાફડા સાથે જલેબી ફ્રી આપવામાં આવશે તેવી ઓફર શરૂ કરી છે, જે 30મી જૂન સુધી ચાલશે. સારો પ્રતિસાદ મળ્યો તો સળંગ એક મહિના સુધી આ રીતે જ ફાફડા સાથે જલેબી ફ્રી આપવાની ઓફર ચાલું રાખીશું. લોકોમાં જાગૃતિ લાવવાનો જ અમારો એકમાત્ર ઉદ્દેશય છે.
ભારત-ચીન બોર્ડર પર આવેલી ગલવાન ઘાટીમાં 20 જવાનોની શહીદીને પગલે ગુજરાત સહિત દેશભરમાં ચીન સામે ભારે આક્રોશ જોવા મળી રહ્યો છે ઠેર-ઠેર વિરોધ પ્રદર્શન સાથે ચાઇનીઝ વસ્તુઓની ખરીદી પર પ્રતિબંધ લગાવવાની માંગ પણ કરવામાં આવી રહી છે. ત્યારે ભરૂચમાં પણ ચાઈનીઝ વસ્તુઓનો વિરોધ કરવામાં આવી રહ્યો છે. મીડિયા રિપોર્ટ મુજબ આંતરરાષ્ટ્રીય હિંદુ પરિષદ લોકોને ચાઈનીઝ વસ્તુઓ ન ખરીદવા માટેનો પણ આગ્રહ કર્યો હતો અને ચાઇનીઝ LED ટીવી અને એન્ડ્રોઇડ મોબાઇલ સહિતની વસ્તુઓ તોડીને પોતાનો રોષ વ્યક્ત કર્યો હતો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..