23 વર્ષની ભારતીય મૂળની સેકંડ લેફ્ટેનન્ટ અનમોલ નારંગ યૂએસ મિલિટરી એકેડમીમાંથી ગ્રેજ્યુએટ થનારી પહેલી શીખ મહિલા બનશે. તેણે વેસ્ટ પોઈન્ટ મિલિટરી એકેડેમીમાંથી ન્યૂક્લિયર એન્જિનિયરિંગમાં ચાર વર્ષનો ડિગ્રી કોર્સ પૂરો કર્યો છે. મહત્વનું છે કે, શનિવારે યૂએસ મિલિટરી એકેડેમીની ગ્રેજ્યુએશન સેરેમની થશે અને કેડેટ્સને સર્ટિફિકેટ આપવામાં આવશે.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
સેકંડ લેફ્ટેનન્ટ અનમોલ નારંગનો ઉછેર જ્યોર્જિયાના રોઝવેલમાં થયો છે. એકેડેમીમાં અનમોલ નારંગને ઢીંચણ સુધી આવતા લાંબા વાળ અંબોડામાં વાળવાની છૂટ આપવામાં આવી હતી. નવા મિલિટરી કોડ મુજબ અંબોડો 3.5 ઈંચથી વધુ જાડો નહોતો. 2020ની બેચના 1100 કેડેટ્સ સાથે ગ્રેજ્યુએટ થઈ રહેલી અનમોલનું ઉદાહરણ એકેડેમીના ઈતિહાસમાં સૌથી અનોખું છે. વેસ્ટ પોઈન્ટ એકેડેમીની છબિ વ્હાઈટ પુરુષોની સંસ્થા તરીકેની છે. પરંતુ આ બેચમાં 230 મહિલાઓ ઉપરાંત ક્લાસમાં 12 ટકા આફ્રિન-અમેરિકન, 9 ટકા એશિયન, 9 ટકા હિસ્પેનિક (સ્પેનિશ ભાષા બોલતા દેશો) અને 1 ટકાથી ઓછા નેટિવ અમેરિકનો છે.
યૂએસ મિલિટરીમાં સ્થાન મેળવવા શીખ સમુદાય વર્ષોથી સંઘર્ષ કરતો આવ્યો છે. વેસ્ટ પોઈન્ટમાં વાળ નહીં કાપવા જેવા શીખ ધર્મના રિવાજો સાથે અપનાવાય તે માટે તેમણે વર્ષોવર્ષ સંઘર્ષ કર્યો છે અને તેનું અંશતઃ પરિણામ આજે અનમોલને મળ્યું છે. 2016માં આર્મી કેપ્ટન સિમરતપાલ સિંહે ડિફેન્સ ડિપાર્ટમેન્ટ સામે કેસ દાખલ કર્યો હતો કારણકે વેસ્ટ પોઈન્ટના નિયમોનું પાલન કરવા તેમને વાળ કપાવવા પડ્યા હતા. તેમણે કહ્યું હતું કે, વેસ્ટ પોઈન્ટની ગાઈડલાઈન અને નિયમોએ તેમને ઊંડો આઘાત આપ્યો છે અને શરમની સ્થિતિમાં મૂક્યા છે. નિર્ણાયક ચુકાદા પછી તેમને પાઘડી અને દાઢી સાથે ફરજ બજાવવાની મંજૂરી મળી હતી.
શીખ આગેવાનોનું કહેવું છે કે, સિસ્ટમમાં સંતોષકારક સુધારો થયો નથી પરંતુ અનમોલ નારંગને તેની ધાર્મિક માન્યતાઓ સાથે સ્વીકારીને થોડી પ્રગતિ ચોક્કસ કરી છે. નારંગના ફેમિલી ફ્રેન્ડ અને આર્મી કેપ્ટન સિમરતપાલ સિંહે કહ્યું, “સેકંડ લેફ્ટેનન્ટ અનમોલ નારંગ પર ગર્વ છે. તેણે આર્મીમાં ફરજ બજાવવાનું સપનું સેવ્યું અને સાકાર કર્યું સાથે જ સેવા કરવા માગતા શીખ-અમેરિકનો માટે પ્રેરણારૂપ બની છે. તમામ સર્વિસ બ્રાન્ચમાં શીખ સમુદાયના સભ્યોનો સ્વીકાર કરવાથી લઘુમતિ કોમના લોકોના હિત સચવાશે સાથે જ યૂએસ મિલિટરીમાં પણ વૈવિધ્ય આવશે.”
લેફ્ટનન્ટ નારંગ આર્મીમાં જોડાવાના સપનાનો શ્રેય તેના નાનાને આપે છે. તેઓ ભારતીય સૈન્યમાં ફરજ બજાવતા હતા. જાપાનના ઓકીનાવા સ્થિત અમેરિકન એરબેસમાં અનમોલ નારંગનું પહેલું પોસ્ટિંગ થશે. જો કે, પોસ્ટિંગ પર જતાં પહેલા નારંગ બેઝિક ઓફિસર લીડરશીપ કોર્સ કરવા માગે છે. અનમોલ નારંગે કહ્યું, “જ્યોર્જિયામાં રહેતા મારા પરિવાર અને સમુદાય તરફથી મને જે સહકાર મળ્યો છે તેના માટે હું તેમની આભારી રહીશ. હું શીખ અમેરિકનોને બતાવવા માગુ છું કે, જે પડકારોનો સામનો કરીને ઉઠવાની તૈયારી હોય તો તમે ગમે તે કરિયરની પસંદગી કરી શકો છો.”
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..