લવ અફેર મામલે લોકો હત્યા કરતાં જરાય અચકાતાં નથી. રાજકોટમાં હાલમાં જે ઘટના સામે આવી એ ખરેખર બધાને ચોંકાવે એવી છે. પત્ની કરતાં પ્રેમિકાને વધારે મહત્વ આપીને પત્નીને પરલોકમાં પહોંચાડી દીધી. રાજકોટમાં પતિએ જ પત્નીની હત્યા કરી નાંખી. પ્રેમિકાને પામવા માટે પતિએ પત્નીની હત્યા કરી હોવાના સમાચારા સામે આવ્યા છે.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
કોઠારીયા રોડ પર નવા બનેલા મકાનમાં બુધવારે પત્નીને મોતને ઘાટ ઉતારી દેવાના આરોપમાં શુક્રવારે રિયલ એસ્ટેટ એજન્ટની ધરપકડ કરવામાં આવી હતી. પતિએ હત્યા કર્યા બાદ લાશને રાજકોટના કંણકોટ ગામની બહાર તળાવમાં ફેંકી દીધી હતી. પોલીસે જણાવ્યું હતું કે આરોપી બાલકૃષ્ણ ટાંક (40) તેની પત્ની તરુણાની લાશને કારની ડેકીમાં નાખીને તળાવમાં ફેંકી આવ્યો હતો.
પોલીસના જણાવ્યા અનુસાર બાલકૃષ્ણએ પોલીસમાં પત્નીના ગુમ થયાની ફરિયાદ પણ નોંધાવી હતી. આજી ડેમ પોલીસ સ્ટેશનના ઇન્સ્પેક્ટર વી.જે. ચાવડાએ જણાવ્યું કે, ‘શુક્રવારે તરુણાની લાશ મળ્યા બાદ તેના માતા પિતાએ બાલકૃષ્ણ પર તેમની પુત્રીની હત્યાનો આરોપ લગાવ્યો હતો.’
તરુણાના માતાપિતાએ આરોપ લગાવ્યો હતો કે બાલકૃષ્ણએ અન્ય મહિલા સાથે પ્રેમ સંબંધ હોવાથી તરૂણાની હત્યા કરી હતી. જ્યારે પોલીસે બાલકૃષ્ણની ધરપકડ કરી તેની પૂછપરછ કરી ત્યારે તેણે ગુનો કબૂલ્યો હતો. ચાવડાએ જણાવ્યું કે, ‘બાલકૃષ્ણએ કહ્યું કે, તરુણા તેના માતાપિતા સાથે ખરાબ વર્તન કરતી હોવાથી તે તેના પર ગુસ્સે હતો.’
બાલકૃષ્ણ અને તરુણા પોતાના નવા બનાવેલા મકાનમાં સાફ સફાઈ કરવા માટે ગયા હતા. ચાવડાએ કહ્યું, ‘ત્યાં બંને ઝઘડો કર્યો હતો. ત્યારબાદ બાલકૃષ્ણે લોખંડનો સળિયો ઉપાડીને તરૂણાને 3 ફટકા માર્યા હતા. જેથી તેનું ઘટનાસ્થળે જ મોત નીપજ્યું હતું.’
તરુણાના ભાઈ નિકુંજ રાઠોડની ફરિયાદના આધારે બાલકૃષ્ણની અટકાયત કરવામાં આવી છે. પોલીસે કહ્યું કે ‘બાલકૃષ્ણનો કોરોનાનો ટેસ્ટ કર્યા બાદ ઔપચારિક રીતે ધરપકડ કરવામાં આવશે.’ બાલકૃષ્ણ અને તરૂણાને બે પુત્રો છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..