રાતના અંધારામાં ચમકવા લાગે છે ગોવાનું આ જંગલ, ફરવા જાવ ત્યારે ખાસ લેજો મુલાકાત

સાંજે સૂરજ ઢળે એટલે મોટામોટા શહેરોમાં લાખો આર્ટિફિશિયલ લાઈટ્સ ચમકી ઊઠે છે અને અંધારાને દૂર ભગાડી મૂકે છે. આથી સૂર્યાસ્ત પછી પણ માણસોનું જીવન જેમ ચાલતું હોય તેમ ચાલ્યા કરે છે. પરંતુ ભારતમાં એક જગ્યા એવી પણ છે જે રાત્રે ચમકે છે પરંતુ તેના માટે કોઈ આર્ટિફિશિયલ લાઈટની જરૂર નથી. પશ્ચિમ ઘાટના વિસ્તારમાં બાયો-લ્યુમિનિસન્ટ ફંગસ એટલે કે એક પ્રકારના મશરૂમ વિશાળ પ્રમાણમાં આવેલા છે. તેમની વિશેષતા એ છે કે તે રાત્રે ચમકવા માંડે છે.
પણજીથી આટલું દૂર છેઃ

ગોવાના પણજીથી 60 કિ.મી દૂર તમે જશો તો તમને એક અલગ જ દુનિયામાં આવી ગયા હોવ તેવો અહેસાસ થશે. જૂનથી ઓક્ટોબરમાં ચોમાસાની સીઝનમાં આ ફંગસ તેના ચળકાટથી આખું જંગલ ઝગમગાવી દે છે. તે ગોવા નજીક સ્વપ્નગઢ વેલીમાં આવેલી મ્હાડેઈ વાઈલ્ડલાઈફ સેન્ચુરીમાં જોવા મળે છે. તે જૂના લાકડા, ડાળીઓ અને થડ પર ઉગી આવે છે. આવા ચળકતા મશરૂમ્સને જોવા ખરેખર લ્હાવો છે.
અભૂતપૂર્વ અનુભવ થશેઃ

નસીબજોગે આ સેન્ચુરી ચોમાસના મહિનામાં ઓપન રહે છે. પણજીથી ઉત્તર-પૂર્વ ભાદમાં આવેલા ચોરલા ઘાટમાં પણ આ પ્રકારની ચળકતી ફંગસ જોવા મળે છે. આ ઉપરાંત તમે ગોવાની ભગવાન મહાવીર વાઈલ્ડલાઈફ સેન્ચુરીમાં જશો તો ત્યાં પણ તમને આવો નજારો જોવા મળશે. આ ઉપરાંત અહીં સુંદર વૉટરફૉલ અને ગાઢ જંગલો આવેલા છે. ભીમાશંકર વાઈલ્ડલાઈફ રિઝર્વની સીમા પર આવેલા અહુપે નામના ગામમાં પણ ચળકતા મશરૂમનો નજારો જોવા મળશે. હવે ગોવા જાવ તો આ જગ્યાને તમારા ટ્રાવેલ લિસ્ટમાં જરૂર શામેલ કરજો.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..