ગુજરાત અને રાજસ્થાનની બોર્ડર પર આવેલી આ જગ્યા ફરવા માટે છે બેસ્ટ, ત્યાં છે ઘણું બધુ જોવા જેવું

રાજસ્થાન એક એવી જગ્યા છે જ્યાં જેટલા વિદેશી ટૂરિસ્ટ્સ આવે છે એટલા જ ભારતીય ટૂરિસ્ટ્સ પણ આવે છે. અને કેમ નહિં? અહીં જોવા જેવી એટલી બધી જગ્યા છે કે ગમે તેટલી વાર જાવ, મન ભરાય જ નહિ. ઉદેપુર, જોધપુર, જેસલમેર અને જયપુર તો લોકપ્રિય પ્રવાસન સ્થળો છે. રાજસ્થાનનું એકમાત્ર હિલ સ્ટેશન આબુ ગુજરાતીઓનું ફેવરિટ સ્થળ છે. પરંતુ રાજસ્થાનમાં એવી પણ જગ્યાઓ છે જે યાત્રીઓમાં ઓછી જાણીતી છે પણ એટલી સુંદર છે કે ત્યાંની એક વખત તો મુલાકાત લેવી જ જોઈએ.

ફરવા માટે કોઈ નવી જગ્યા શોધતા હોવ તો આ જગ્યા બેસ્ટ છે..

ડુંગરપુરઃ

ડુંગરપુર ગુજરાત અને રાજસ્થાનની બોર્ડર પર આવેલું છે. તમે અહીંથી આબુ, ઉદેપુર કે શ્રી નાથદ્વારા જાવ ત્યારે શામળાજીથી થોડે આગળ તમે ડુંગરપુરનું બોર્ડ ચોક્કસ જોયું જ હશે. અરવલ્લીની તળેટીમાં વસેલા આ સુંદર ગામમાં ઘણું જોવાજેવું છે. અહીં ભૂતકાળના ભવ્ય વારસાના પ્રતીક સમાન અનેક સ્થળો આવેલા છે. હવે રાજસ્થાન જવાનું થાય તો ડુંગરપુરની મુલાકાત ચોક્કસ લેજો.

જાણો ડુંગરપુરમાં શું શું જોવા જેવું છે.

ગૈબ સાગર તળાવઃ

આ તળાવ શહેરની વચ્ચોવચ આવેલું છે. અહીં અનેક પ્રવાસીઓ આવે છે. તમને અહીં મોટી સંખ્યામાં યાયાવર પક્ષીઓ જોવા મળશે. શિયાળામાં તે માઈલો દૂરથી અહીં વસવાટ કરવા આવે છે. સાંજે સૂર્ય આથમવા માંડે ત્યારે આ તળાવની સુંદરતા અદભૂત હોય છે. ડુંગરપુર જવાનો વિચાર હોય તો આ તળાવની મુલાકાત સાંજે જ લેવી. તમને અહીં જાતજાતના પક્ષીઓ જોવા મળશે. અહીં શ્રીનાથજીનું એક મંદિર પણ છે. અહીં શિવજીનું વિજય રાજરાજેશ્વરનું સુંદર મંદિર પણ આવેલું છે. તળાવના કિનારે બાદલ મહેલ આવેલો છે.

જુના મહેલઃ

આ વિશાળ મહેલ 13મી સદીમાં બાંધવામાં આવ્યો હતો. સાત માળના મહેલમાં એક પછી એક શાસકોએ વધારાનું બાંધકામ કરાયું હતું. આ મહેલની ભવ્યતા જોશો તો મુગ્ધ થઈ જશો. અહીં લીલા પથ્થર, કાંચ અને કોતરણીથી અદભૂત કારીગરી કરવામાં આવી છે. તમને પેલેસના ઉપરના રુમના બેડરુમમાં ઈરોટિક પેઈન્ટિંગ્સ પણ જોવા મળશે.

દેવ સોમનાથ મંદિરઃ

12મી સદીમાં આ જગ્યા બાંધવામાં આવી હતી. સોમ નદીના તટે બનેલુ આ મંદિર ડુંગરપુરથી 70 કિ.મી દૂર છે. શિવજીને સમર્પિત મંદિર માર્બલમાંથી બનાવાયું છે. તે ગુજરાતના સોમનાથ મંદિરની પ્રતિકૃતિ છે.

ઉદય વિલાસ પેલેસઃ

ગૈબ સાગરના કિનારે ઉદય વિલાસ પેલેસ આવેલો છે. હવે તેને હોટેલમાં કન્વર્ટ કરી દેવાઈ છે. તમે આ પેલેસના કમ્પાઉન્ડમાં લટાર મારી શકો છો.

અમારી પોસ્ટ મેળવવા સબસ્ક્રાઈબ કરો

આપનું ઈ-મેલ એડ્રેસ નીચે લખો અને તમામ પોસ્ટ તમારા ઈમેઈલ પર મેળવો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ અમારી એન્ડ્રોઇડ એપ્લિકેશન ડાઉનલોડ કરો:-
close