પર્યાવરણ બચાવવા ચાર મહિલાઓની અનોખી પહેલ: રૂપિયા ભેગા કરીને શરૂ કરી ‘વાસણ બેંક’, ફેમિલી ફંક્શનમાં પ્લાસ્ટિક વેસ્ટ ના થાય એ માટે ફ્રીમાં આપે છે સ્ટીલનાં વાસણો

ભોપાલમાં ચાર મહિલાઓ ઈલા મિડ્ઢા, શ્વેતા શર્મા, સ્મિતા પટેલ અને ડૉ. મધુલિકા દીક્ષિતે ભેગા મળીને વાસણ બેંક બનાવી છે. તેમનો હેતુ પર્યાવરણમાં સંતુલન રાખવા માટે પ્લાસ્ટિક અને ડિસ્પોઝલ થાળી-ગ્લાસનો ઉપયોગ ના કરવાનો છે.

આ હેતુ માટે તેઓ ધાર્મિક, સામાજિક અને પરિવારના કોઈ ફંક્શનમાં વાસણો મફત આપે છે. આ વાસણોનો હિસાબ પણ મેન્ટેઇન રાખવામાં આવે છે. ચારેય મહિલાની મિત્રતા 21 વર્ષ જૂની છે. તેમને ખબર હતી કે પ્લાસ્ટિકનો કચરો ખાવાથી પ્રાણીઓ મૃત્યુ પામે છે આથી તેમણે વાસણ બેંક શરૂ કરી.

આ મહિલાઓએ કહ્યું, અમે કોઈ પણ ફંક્શનમાં જતાં હતાં, ત્યાં ડિસ્પોઝલ થાળીઓમાં જમવાનું પીરસવામાં આવતું હતું. ત્યારે અમને ખબર પડી કે એનાથી પર્યાવરણને ઘણું નુકસાન થઇ રહ્યું છે. પ્રાણીઓ પણ આ પ્લાસ્ટિક ખાય છે અને મોતને ભેટે છે.

દરેક મહિલાઓ પર્યાવરણપ્રેમી છે. તેમણે વિચાર્યું કે આ પ્લાસ્ટિક વેસ્ટ આવનારી પેઢી માટે હાનિકારક છે. ચારેયે પૈસા ભેગા કરીને વાસણ બેંકની શરૂઆત કરી. તેઓ વાસણ ભાડે આપવાનો કોઈ ચાર્જ પણ લેતા નથી. ઘરેથી જ આ વાસણ બેંકનું સંચાલન કરે છે.

ભોપાલની મહિલાઓના આ કામથી પર્યાવરણને નુકસાન થતું નથી અને કોરોના વાઈરસને લીધે સુરક્ષાનું પણ પૂરતું ધ્યાન રાખવામાં આવ્યું છે. વાસણ આપ્યા પહેલાં તેઓ સામેવાળાને એટલું જરૂર કહે છે કે વાસણ વ્યવસ્થિત રીતે ચોખ્ખા કરીને પરત કરો જેથી કોઈ તકલીફ ના થાય.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..