ડીસાના વાઘપુરાના શિક્ષકની પ્રામાણિકતા: બસમાંથી દાગીના અને રોકડ સહિત 1.70 લાખ રૂપિયાનો મુદ્દામાલ ભરેલી મળેલી બેગ મૂળ માલિકને પરત કરી

ડીસાની વાઘપુરા પ્રાથમિક શાળાના શિક્ષકને અમદાવાદ ભીનમાલ એસટી બસમાંથી દાગીના અને રોકડ રકમ સહિત રૂપિયા 1.70 લાખ ભરેલો થેલો મળી આવ્યો હતો. જેથી શિક્ષક દ્વારા ડીસા બસ સ્ટેશનમાં એસટી કર્મચારીઓ સાથે રાખી મૂળ માલિકને થેલો પરત કરી ઈમાનદારીના દર્શન કરાવ્યા હતાં.

ડીસા તાલુકાના લોરવાડા (વાઘપુરા) ગામની પ્રાથમિક શાળાના આચાર્ય તરીકે ફરજ બજાવતા ગોવિંદજી સાદુળજી ઠાકોરને અમદાવાદ ભીનમાલ બસમાંથી એક કિંમતી સામાન ભરેલો થેલો બિનવારસી નજરે પડ્યો હતો. આથી શિક્ષક ગોવિંદજી ઠાકોરે ડીસા ડેપો ખાતે ફરજ પરના ટ્રાફીક કંટ્રોલર ઘાસુરાભાઇ તેમજ આર.કે.દેસાઇ પાસે સામાન ભરેલો થેલો જમા કરાવતા અધિકારીઓની હાજરીમાં થેલો ચેક કરતા દાગીના તથા અગત્યના ડોક્યુમેન્ટ અને રોકડ સહિત રૂપિયા 1.70 લાખનો મુદ્દામાલ મળી આવ્યો હતો.

ડોક્યુમેન્ટના આધારે થેલાના મુળ માલિક સીમાબેન ગંગાધર (રહે.નાગપુર) નો સંપર્ક કરીને તેમની વસ્તુઓ પરત કરી હતી. આમ એક શિક્ષકની ઇમાનદારી અને એસટી કર્મચારીઓની પ્રશંસનીય કામગીરીની પ્રશંસા થઈ રહી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..

અમારી પોસ્ટ મેળવવા સબસ્ક્રાઈબ કરો

આપનું ઈ-મેલ એડ્રેસ નીચે લખો અને તમામ પોસ્ટ તમારા ઈમેઈલ પર મેળવો