ગુજરાતમાં કોરોનાના કેસમાં સતત ઘટાડો: આજે કોરોનાનાં 122 કેસો નોંધાયા, 3 લોકોના કોરોનાથી મોત, 352 દર્દીઓએ કોરોનાને માત આપી

ગુજરાતમાં કોરોના મહામારીના કેસ સતત ઘટી રહ્યા છે અને રિકવરી રેટ પણ હવે 98.31 ટકાએ પહોંચી ગયો છે. ગુજરાતમાં આજે સતત પાંચમા દિવસે કોરોનાના 150થી પણ ઓછા કેસ નોંધાયા છે જે એક રાહતભર્યા સમાચાર છે. આજે કોરોનાનાં નવા 122 પોઝિટિવ કેસ નોંધાયા છે. બીજી તરફ રાજ્યમાં કોરોનાના કારણે આજે વધુ 3 દર્દીના મોત નીપજ્યા છે. વિતેલા 24 કલાકમાં ગુજરાતમાં 352 દર્દી સાજા થતાં તેમને રજા આપવામાં આવી છે. છેલ્લા 24 કલાકમાં રાજ્યાનાં એક પણ શહેર કે જિલ્લામાં 20થી વધુ કેસ નોંધાયા નથી. ત્યાં જ રાજ્યના 12 જિલ્લામાં એક પણ કેસ નોંધાયો નથી.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

અત્યાર સુધીમાં રાજ્યના કુલ 10,048 નાગરિકોનો કોરોના ભરખી ગયો છે. બીજી તરફ આજે વધુ 352 દર્દી સાજા થતાં તેમને રજા આપવામાં આવી છે. અત્યાર સુધીમાં સંક્રમિત થયેલા કુલ દર્દીઓમાંથી 8,09,201 દર્દીઓએ કોરોનાને હરાવ્યો છે. છેલ્લી સ્થિતિ પ્રમાણે રાજ્યમાં કુલ 3883 દર્દી સારવાર હેઠળ છે. નાજુક સ્થિતિના કારણે 23 દર્દીને વેન્ટિલેટર પર રાખવામાં આવ્યાં છે.

ગુજરાતમાં આજે કોરોનાના નવા 122 કેસની સાથે આજે વધુ 3 દર્દીના મોત થયા છે. અમદાવાદ કોર્પોરેશન 19, સુરત કોર્પોરેશન 14, વડોદરા કોર્પોરેશન 11, સુરત 10, વડોદરા 10, રાજકોટ કોર્પોરેશન 7, અમરેલી 5, ગીર સોમનાથ 4, કચ્છ 4, વલસાડ 4, ભાવનગર 3, જુનાગઢ કોર્પોરેશન 3, પોરબંદર 3, રાજકોટ 3, બનાસકાંઠા 2, ભરૂચ, ભાવનગર કોર્પોરેશન 2, દેવભૂમિ દ્વારકા 2, ગાંધીનગર કોર્પોરેશન 2, જુનાગઢ 2, નવસારી 2, આણંદ, અરવલ્લી, ગાંધીનગર, જામનગર, જામનગર કોર્પોરેશન, ખેડા, સુરેન્દ્રનગર, તાપીમાં 1-1 કેસ નોંધાયા છે.

છેલ્લી સ્થિતિ મુજબ રાજ્યમાં એક્ટિવ કેસની સંખ્યા 3883 પહોંચી ગઈ છે. જ્યારે નાજુક સ્થિતિના કારણે કુલ 23 દર્દીઓને હાલમાં વેન્ટિલેટર પર રાખવામાં આવેલા છે. જ્યારે 3860 દર્દીઓ સ્ટેબલ છે. ગુજરાતમાં રિકવરી રેટ હાલમાં 98.31% એ આવી ગયો છે. અત્યાર સુધીમાં 2,46,38,142 વ્યક્તિઓને કોરોનાની વેક્સિન આપવામાં આવી છે. જેમાં આજ વધુ 3,77,439 વ્યક્તિઓને કોરોના વેક્સિન આપવામાં આવી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..