ગુજરાતમાં કોરોનાના કેસમાં સતત ઘટાડો: આજે કોરોનાનાં 405 કેસો નોંધાયા, 6 લોકોના કોરોનાથી મોત, 1106 દર્દીઓએ કોરોનાને માત આપી

ગુજરાતમાં કોરોના મહામારી બીજી લહેરનો અંત આવી રહ્યો છે. રાજ્યમાં કોરોના કેસ સતત ઘટી રહ્યા છે અને રિકવરી રેટ પણ હવે 97.62 ટકાએ પહોંચી ગયો છે. ગુજરાતમાં સતત કોરોનાના 500થી પણ ઓછા કેસ નોંધાઇ રહ્યા છે જે એક રાહતભર્યા સમાચાર છે. આજે ગઇ કાલ કરતા 50 કેસ ઓછા નોઁધાયા છે. આજે કોરોનાનાં નવા 405 કેસ નોંધાયા છે. બીજી તરફ રાજ્યમાં કોરોનાના કારણે આજે વધુ 6 દર્દીના મોત નીપજ્યા છે. વિતેલા 24 કલાકમાં ગુજરાતમાં 1106 દર્દી સાજા થતાં તેમને રજા આપવામાં આવી છે. ત્યાં જ આજે રાજ્યના 8 જિલ્લાઓમાં એક પણ કેસ નોંધાયો નથી.

અત્યાર સુધીમાં રાજ્યના કુલ 10,003 નાગરિકોનો કોરોના ભરખી ગયો છે. બીજી તરફ આજે વધુ 1106 દર્દી સાજા થતાં તેમને રજા આપવામાં આવી છે. અત્યાર સુધીમાં સંક્રમિત થયેલા કુલ દર્દીઓમાંથી 8,01,181 દર્દીઓએ કોરોનાને હરાવ્યો છે. છેલ્લી સ્થિતિ પ્રમાણે રાજ્યમાં કુલ 9542 દર્દી સારવાર હેઠળ છે. નાજુક સ્થિતિના કારણે 223 દર્દીને વેન્ટિલેટર પર રાખવામાં આવ્યાં છે.

ગુજરાતમાં આજે કોરોનાના નવા 405 કેસની સાથે આજે વધુ 6 દર્દીના મોત થયા છે. સુરતમાં નવા 78 કેસ સાથે 2 દર્દીનાં મોત, અમદાવાદમાં નવા 47 કેસ સાથે 2 દર્દીનાં મોત, વડોદરામાં 61 અને રાજકોટમાં 32 કેસ, જૂનાગઢમાં 30 અને ગાંધીનગરમાં 13 કેસ, જામનગરમાં 11 અને ભાવનગરમાં 4 કેસ, ગીર સોમનાથમાં 20, પોરબંદરમાં 16 કેસ, અમરેલીમાં 12, ભરૂચ-નવસારીમાં 9-9 કેસ, બનાસકાંઠા-ખેડા-વલસાડમાં 8-8 કેસ, પંચમહાલમાં 7, આણંદમાં 6, દ્વારકામાં 5 કેસ, કચ્છમાં 5, સાબરકાંઠા-તાપીમાં 4-4 કેસ, મહિસાગરમાં 3, અરવલ્લી -મોરબીમાં 2-2 કેસ અને નર્મદામાં નવો એક કેસ નોંધાયો છે.

છેલ્લી સ્થિતિ મુજબ રાજ્યમાં એક્ટિવ કેસની સંખ્યા 9542 પહોંચી ગઈ છે. જ્યારે નાજુક સ્થિતિના કારણે કુલ 223 દર્દીઓને હાલમાં વેન્ટિલેટર પર રાખવામાં આવેલા છે. જ્યારે 9319 દર્દીઓ સ્ટેબલ છે. ગુજરાતમાં રિકવરી રેટ હાલમાં 97.62% એ આવી ગયો છે. અત્યાર સુધીમાં 2,05,58,024 વ્યક્તિઓને કોરોનાની વેક્સિન આપવામાં આવી છે. જેમાં આજ વધુ 2,93,131 વ્યક્તિઓને કોરોના વેક્સિન આપવામાં આવી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..