અમદાવાદમાં મહિલાને મોંઢે દુપટ્ટો બાંધવો ભારે પડ્યો, દુપટ્ટાના કારણે થાપ ગઈ ગયો હત્યારો, અન્ય મહિલાની કરી નાખી હત્યા

અમદાવાદના નારોલમાં થયેલી હત્યાનો ભેદ અમદાવાદ ક્રાઈમ બ્રાંચે ઉકેલી કાઢીને બે આરોપીઓને ઝડપી પાડ્યાં છે. મહત્વની વાત એ છે કે, આ હત્યાના બનાવમાં મોંઢે દુપટ્ટો બાંધવો મૃતક મહિલાને ભારે પડ્યો હતો. આરોપીનો જે મહિલા સાથે ઝઘડો થયો હતો તેની હત્યા કરવા આવ્યો હતો પણ બીજી કોઈ મહિલાની હત્યા થઈ ગઈ અને તે ભાગી ગયો હતો.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

નારોલમાં આ હત્યાની ઘટના બાદ પોલીસ દોડતી થઈ હતી. આ કેસમાં અમદાવાદ ક્રાઈમ બ્રાંચની ટીમ પણ કામે લાગી હતી. જો કે, આ કેસમાં ક્રાઈમ બ્રાંચને સફળતા મળી અને એક કિશોર તથા અનિશ શેખ નામના આરોપીની ઝડપી પાડ્યો હતો. પોલીસે આ મામલે આરોપીની કડક પૂછપરછ કરતા સામે આવ્યું કે, કિશોર આરોપી ગઈ 17મી જુલાઈની રાતે નારોલ બ્રીજની નીચે આવ્યો હતો. એ દરમિયાન તેનો ઝઘડો એક મોંઢે દુપટ્ટો બાંધેલી મહિલા સાથે થયો હતો. ત્યારબાદ મહિલાના ઓળખીતાઓ આવી પહોંચતા કિશોરને માર માર્યો હતો અને તેના ખિસ્સામાં રહેલાં 1500 રૂપિયા પણ કાઢી લીધા હતા.

આ ઘટના બાદ કિશોર ત્યાંથી ચાલ્યો ગયો હતો. બાદમાં કિશોરે આ વાતની જાણ તેના મિત્ર અનિશ શેખ કરી હતી. ઝઘડાની અદાવત રાખીને કિશોર તેના મિત્ર અનિશ શેખને બાઈક પર લઈને નારોલ બ્રીજ નીચે પહોંચ્યો હતો. અહીં મૃતક મહિલા મોંઢે દુપટ્ટો બાંધીને બેસી હતી. ત્યારે આરોપી તેની હત્યા કરીને નાસી છૂટ્યાં.

હત્યામાં જે હથિયાર વાપર્યું હતુ તેને પણ રસ્તમાં ફેંકી દીધું હતું. પોલીસે આ મામલે ગુનો નોંધીને તપાસ હાથ ધરી હતી. પોલીસે સીસીટીવી ફૂટેજના આધારે આરોપીઓએ ઝડપી પાડ્યાં હતાં. તપાસમાં સામે આવ્યું કે, કિશોરને જે મહિલા સાથે ઝઘડો થયો હતો તે મહિલા બીજી કોઈ હતી. હાલ તો પોલીસે આ મામલે વધુ તપાસ હાથ ધરી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..