વડોદરામાં બીજા લગ્ન બાદ મહિલાને જૂના પતિ સાથે પ્રેમ પાંગરતા હાલના પતિને છોડીને ભાગી ગઈ, સાથે લાખોના ઘરેણાં લેતી ગઈ

પત્ની પતિને છોડીને પૂર્વ પતિ પાસે પાછી જતી રહે તેવા કિસ્સા તમે ખૂબ ઓછા પ્રમાણમાં જોયા કે સાંભળ્યા હશે. આવો જ કિસ્સો વડોદરામાં બન્યો છે. જ્યાં બીજા લગ્ન પછી પણ પહેલા પતિ માટે રહેલી કૂણી લાગણીઓમાં તણાઈને મહિલા જતી રહી અને વર્તમાન પતિ પોલીસ સ્ટેશન પહોંચી ગયો. વડોદરાના યાકુતપુરામાં પૂર્વ પતિ માટે મહિલાએ હાલના પતિને છોડી દીધો. પૂર્વ પતિ સાથે મહિલા ભાગી ગઈ ઉપરાંત પોતાની સાથે રોકડ અને ઘરેણા સહિતની 2.6 લાખ રૂપિયાની મત્તા પણ લેતી ગઈ.

યાકુતપુરાના અદાણીયાપુલ વિસ્તારમાં રહેતા અને ઓટો ગેરેજના માલિક મોહમ્મદ શકીલ મન્સૂરીએ બીજી પત્ની ઈરમ અને તેના પૂર્વ પતિ સલમાન શાહબુદ્દીન સામે બુધવારે ફરિયાદ નોંધાવી છે. મન્સૂરીની ફરિયાદ પ્રમાણે, 6 ફેબ્રુઆરીએ ઈરમ ઘરમાંથી ગાયબ હતી. તેણે આસપાસમાં ઈરમને શોધવાનો પ્રયાસ કર્યો હતો. ત્યારે એક પાડોશીએ જણાવ્યું કે, તેમણે વહેલી સવારે ઈરમને કોઈ પુરુષ સાથે કારમાં જતી જોઈ હતી.

મન્સૂરીએ ઈરમને ફોન કર્યો પરંતુ બંધ આવતો હતો. જેથી મન્સૂરીને શંકા ગઈ કે ઈરમ સલમાન શાહબુદ્દીન સાથે ભાગી ગઈ હશે કારણકે બીજા લગ્ન બાદ પણ તે તેની (શાહબુદ્દીન) સાથે સંપર્કમાં હતી. ઘરે આવ્યા બાદ મન્સૂરીએ તપાસ કરતાં માલૂમ પડ્યું કે, ઈરમ પોતાની સાથે 1.2 લાખ રૂપિયા રોકડ અને 1.4 લાખ રૂપિયાના ઘરેણાં લઈ ગઈ છે.

બાદમાં મન્સૂરી ઈરમને સમજાવવા માટે સલમાન શાહબુદ્દીનના ઘરે ઈન્દોર પહોંચ્યો હતો. પરંતુ ઈરમ ટસની મસ ના થઈ અને વડોદરા આવવાની ના પાડી દીધી. ઈરમને આજે પણ સલમાન શાહબુદ્દીન માટે કૂણી લાગણીઓ છે. મન્સૂરીએ એક મહિના સુધી ઈરમની રાહ જોઈ. ઈરમને સલમાનના માતા-પિતાએ પણ સમજાવી છતાં તેણે વડોદરા જવાની ચોખ્ખી ના પાડી દીધી. ત્યારે મન્સૂરીએ પોલીસ ફરિયાદ નોંધાવી.

પોલીસે જણાવ્યું કે, મન્સૂરી અને ઈરમના લગ્ન ગયા વર્ષે નવેમ્બર મહિનામાં થયા હતા. મન્સૂરીને પહેલી પત્નીથી બાળક ના થતાં તેણે બીજા લગ્ન કર્યા હતા. પોલીસે કહ્યું, “ઈરમે ફરિયાદીની સાળીની દીકરી સાથે લગ્ન કર્યા છે. તેમના પરિવારમાં બધા રાજી હોવાથી વડોદરામાં મન્સૂરીના ઘરે જ લગ્ન થયા હતા.”

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..