પંચમહાલની સગીરા સોશિયલ મીડિયામાં વીડિયો જોઈને પ્રેમમાં પડી, મોટી ઉંમરના પ્રેમીને મળવા છેક મહેસાણા પહોંચી, પોલીસે વેળાસર બચાવી લીધી નહીંતર…

પ્રેમમાં માણસને પોતાના પ્રિયપાત્ર સિવાય કંઈ જ સૂજતું નથી એટલે પ્રેમને પાગલ અને આંધળો હોવાની ઉપમા મળી છે. તેમાં પણ આજના સોશિયલ મીડિયાના યુગમાં પોતાના સંતાનોનું ભલું ઈચ્છતાં માતા-પિતા માટે ચેતવણીરૂપ કિસ્સો પ્રકાશમાં આવ્યો છે. સોશિયલ મીડિયાની એક એપ્લીકેશનથી પરિચયમાં આવેલી પંચમહાલની સગીરા 192 કિમી દૂર નાનીદાઉ ગામના પ્રેમીને મળવા મહેસાણા પહોંચી હતી. જોકે, તે પ્રેમીને મળે તે પહેલાં પોલીસ તેના સુધી પહોંચી ગઈ હતી અને સગીરાને પરિવારને સોંપી હતી. 15 વર્ષની સગીરા કોઈપણ પરિચય વગર એસટી બસમાં બેસી મહેસાણાના પ્રેમીને મળવા આવી હોવાની પરિવારે પોલીસને જાણ કરતાં સમગ્ર મામલો બહાર આવ્યો હતો.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

મહેસાણા નજીક આવેલા નાનીદાઉ ગામનો યુવક મોજ એપ્લીકેશનમાં પોતાના વીડિયો બનાવીને અપલોડ કરતો હતો. મોજ એપમાં વીડિયો જોઈ પંચમહાલની સગીરાને નાની દાઉના યુવક સાથે પ્રેમ થઈ ગયો હતો. બંને વચ્ચે મોબાઈલમાં વાતચીત થતાં પ્રેમીએ તેને મળવા માટે મહેસાણા બોલાવી હતી. તેથી પ્રેમાંધ બનેલી સગીરા રવિવારે તેના પ્રેમીને મળવા એસટીમાં બેસી મહેસાણા તરફ આવવા નીકળી હતી. સગીરા ગુમ થતાં પરિવારે પંચમહાલ પોલીસને જાણ કરી હતી. તેથી પોલીસે ચેક કરતાં મોબાઈલનું લોકેશન મહેસાણા તરફ હોવાનું જણાયું હતું.

પંચમહાલ પોલીસે મહેસાણા પોલીસને જાણ કરતાં મહેસાણા પોલીસની એક ટીમ સક્રિય બની હતી. મહેસાણામાં ઉતરીને નાનીદાઉ ગામે પ્રેમીને મળવા જાય તે પહેલાં પોલીસે સગીરાને અટકાવી દીધી હતી. જ્યારે સગીરા પાસેથી મળેલા મોબાઈલના આધારે તપાસ કરતાં યુવક પાસેથી વાંધાજનક વસ્તુઓ મળી આવી હતી. તેથી પ્રેમીને મળે તે પહેલાં સગીરા મળી જતાં એક સંબવિત ગુનો બનતાં અટકી ગયો હતો. મહેસાણા પોલીસના પ્રયાસથી પંચમહાલની સગીરા કોઈ સંભવિત ભયંકર ઘટનાનો ભોગ બનતા બચી ગઈ હતી

મહત્વનું છે કે એક-બે મહિના પહેલા આવી જ રીતે એક 25 વર્ષીય પરિણીતા પોતાના 4 વર્ષના સંતાન સાથે પોતાના 18 વર્ષીય પ્રેમીને મળવા માટે છેક બંગાળથી આણંદ આવી હતી. આ પરિણીતા અને તેના કથીત પ્રેમી વચ્ચે પણ સોશિયલ મીડિયા દ્વારા પ્રેમ પાંગર્યો હતો. યુવક અને યુવતીનો પરિચય બે વર્ષ અગાઉ સોશિયલ મીડિયા અને એક મોબાઈલ ગેમ મારફત થયો હતો. ધીરે ધીરે રોજ વાત કરતાં કરતાં આ પરિચય પ્રેમમાં પરિણમ્યો હતો. યુવતી પરણેલી છે અને તેને ચાર વર્ષનું બાળક છે. તેનો પતિ વેપારી છે. તેવામાં યુવકના કહેવા પર યુવતી તેને મળવા માટે વિદ્યાનગર આવી પહોંચી હતી.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..