સુરતના વરાછામાં લુખ્ખાતત્વોની મારા મારીનો વિડિયો વાયરલ, સોસાયટીમાં રહેતા લોકો સાથે છુટા હાથની મારામારી કરી આતંક મચાવ્યો
સુરત શહેરમાં છેલ્લા લાંબા સમયથી અસામાજિક તત્વોનો આંતક દિવસેને દિવસે વધી રહ્યો છે. લુખ્ખાતત્વોને પોલીસની બીક રહી જ ન હોય તેમ, રૂપિયાની લેતી દેતિમાં કાયદો હાથમાં લઇને રૂપિયાની ઉઘરાણી માટે એક સોસાયટીમાં જઇને મારા મારી સાથે હંગામો માચાવ્યો હતો. જોકે આ અસામાજિક તત્વોની દાદાગીરી સીસીટીવીમાં કેદ થઈ ગયા બાદ આ વીડિયો વાઇરલ થયો છે.
સુરતમાં સતત અસમાજિક તત્વોનો આંતક દિવસેને દિવસે વધી રહ્યો છે, જાણે આ લોકોને કાયદાનો ડર રહ્યો નથી, કેટલીએ વખત સામાન્ય બાબતે પોતાની દાદાગીરી સાથે મારામારી કરતા હોય છે, ત્યારે સુરતના અમરોલી પોલીસ હદ વિસ્તારમાં આવેલ મોટા વરાછા ખાતે આવેલી એક સોસાયટીમાં રહેતા પરિવાર પાસે રૂપિયાની ઉઘરાણી કરવા ગયેલા અસામાજિક તત્વો સાથે પહેલા માથા ફૂટ બાદ ઉગ્ર બબાલ થઈ હતી.
સુરત: વરાછામાં લુખ્ખાતત્વો દ્વારા Live મારામારી Video : સોસાયટીમાં આતંક મચાવી કરી મારા મારી pic.twitter.com/GhW5DPBHER
— News18Gujarati (@News18Guj) February 25, 2021
જોત જોતામાં રૂપિયાની પઠાણી ઉગરાણી કરતા અને સોસાયટીમાં રહેતા લોકો સાથે છુટા હાથની મારામારી શરૂ થઈ ગઈ હતી. આ ઘટનાના પગલે સમગ્ર વિસ્તારમાં એક સમય માટે દોડધામ મચી જવા પામી હતી. જોકે મારામારી કરી રહેલા આ અસામાજિક તત્વો દ્વારા જે મકાનમાં રૂપિયાની ઉગરાણી કરવા માટે ગયા હતા, તે ઘરની મહિલા સાથે પણ ઘરમાં મારા મારી કરી ઈસમો ભાગી છૂટ્યા હતા.
જોકે, આ સમગ્ર દાદાગીરી અને મારા મારીની ઘટના સોસાયટીમાં લાગેલા કેમેરામાં કેદ થઈ જતા, આ મામલે સોસાયટીના લોકોએ પોલીસ ફરિયાદ કરવાની તજવીજ શરૂ કરવા સાથે આ અસામાજિક તત્વોની દાદાગીરીનો વિડીયો પણ સોશિયલ મીડિયામાં વાઇરલ કર્યો હતો. વિડીયો વાઇરલ થયા બાદ પોલીસે આ મામલે કાર્યવાહી શરુ કરી છે. તમને જણાવી દઈએ કે, સુરતમાં આવી ઘટના સામાન્ય બની ગઈ છે, તેની પાછળ પોલીસની નિષ્ક્રિયતાને લઇને આવા અસામાજિક તત્વો બેફામ બન્યા છે.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..