એમેઝોન અને ફ્લિપકાર્ટને ટક્કર આપવા માટે રિલાયન્સે શરૂ કરી ‘દેશની નવી દુકાન’ Jio Mart

ભારતમાં ઓનલાઈન ખરીદદારીનું ચલણ તેજીથી વધી રહ્યું છે. લોકો એમેઝોન અને ફ્લિપકાર્ટથી મોટાપાયે શોપિંગ કરી રહ્યા છે. પણ વર્ષ 2020માં આ દિગ્ગજ ઈ કોમર્સ કંપનીઓને ટક્કરનો સામનો કરવો પડી શકે છે. કેમ કે, ભારતનાં સૌથી અમીર વ્યક્તિ મુકેશ અંબાણીની રિલાયન્સ ઈન્ડસ્ટ્રીઝે Jio Martની શરૂઆત કરી દીધી છે. જિયો માર્ટમાં રજિસ્ટ્રેશન માટે કંપનીએ જિયો ટેલિકોમ યુઝર્સને આમંત્રણ મોકલવાનું પણ શરૂ કરી દીધું છે. જિયો માર્ટે કંપનીને દેશની નવી દુકાન કહી છે. તેની શરૂઆત મુંબઈના નવી મુંબઈ, થાણે અને કલ્યાણથી થશે.

રિલાયન્સ રિટેલે સત્તાવાર રીતે તેના લોન્ચિંગની ઘોષણા કરી દીધી છે. અને કહ્યું છે કે. આવનારા સમયમાં તેનો વિસ્તાર કરવામાં આવશે. આ સંદર્ભમાં એક અધિકારીએ કહ્યું કે, અમે જિયો માર્ટને લોન્ચ કરી દીધું છે. આ માટે જિયો યુઝર્સને ડિસ્કાઉન્ટ માટે રજિસ્ટર કરવા આમંત્રણ પણ આપવામાં આવ્યું છે. અને હવે ટૂંક સમયમાં જ જિયો માર્ટ એપ પણ લોન્ચ કરી દેવામાં આવશે.

12 ઓગસ્ટના રોજ એજીએમમાં મુકેશ અંબાણીએ કહ્યું હતું કે, રિલાયન્સ ટૂંક સમયમાં જ કરિયાણા બજારની સૂરત બદલવા જઈ રહી છે. રિલાયન્સની યોજના છે કે દેશમાં દુનિયાનું સૌથી મોટું ઓનલાઈન ટૂ ઓફલાઈન ઈ કોમર્સ બજાર બનાવવામાં આવે. રિલાયન્સના રિટેલ પ્લાન હેઠળ હાઈ સ્પીડ ડિજિટલ પ્લેટફોર્મને કરિયાણા સ્ટોર્સ સાથે જોડી દેવામાં આવશે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..