રાજકોટમાં પિતરાઈ ભાઈએ ભાઈ-બહેનના પવિત્ર સંબંધને લજવ્યા, 12માં ધોરણમાં ભણતી બહેનને ગર્ભવતી બનાવી
રાજકોટ શહેરમાં ભાઈ-બહેનના પવિત્ર સંબંધને કલંકિત કરતો કિસ્સો સામે આવ્યો છે, જેમાં શહેરના પોશ વિસ્તારમાં રહેતી સગીરાને અચાનક ચક્કર આવતાં તેને હોસ્પિટલે લઈ જવામાં આવી હતી, જ્યાં તબીબ દ્વારા ચેક કરાતાં તે પાંચ માસની સગર્ભા હોવાનું જણાતાં સારવાર અર્થે ખસેડવામાં આવી હતી. આ અંગે સગીરાની માતાએ પૂછપરછ કરતાં તેના પિતરાઈ ભાઈ દ્વારા જ તેના પર અનેક વખત દુષ્કર્મ ગુજારીને ગર્ભવતી બનાવી હોવાની ચોંકાવનારી વિગતો સામે આવી હતી.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
સગીરાની માતાએ આજીડેમ પોલીસમાં ફરિયાદ નોંધાવી
આ અંગે સગીરાની માતાએ આજીડેમ પોલીસ મથકમાં આરોપી પિતરાઈ ભાઈ વિરુદ્ધ ફરિયાદ નોંધાવી હતી. આ ફરિયાદમાં તેણે જણાવ્યું હતું કે મારી સગીર વયની દીકરી જે ધો.12માં અભ્યાસ કરે છે. તેણે પોતાના ફ્રેન્ડ સાથે સોશિયલ મીડિયામાં વાતચીત કરતી હોય, જે વાતની જાણ તેના પિતરાઈ ભાઈ સંજય(નામ બદલ્યું છે) ને થતાં તેણે મારી પુત્રીનો ફોન લઇ એમાંથી વાતચીતનો સ્ક્રીનશોટ પાડી પોતાના મોબાઇલમાં લઇ લીધો હતો.
બેવાર દુષ્કર્મ ગુજારી સગીરાને ગર્ભવતી બનાવી
વધુમાં ફરિયાદીએ જણાવ્યું હતું કે ત્યાર બાદ સંજયે તેની પુત્રીને બ્લેકમેઇલિંગ કરવાનું શરૂ કર્યું હતું. સંજયે સગીરાને કહ્યું હતું, હું તને જેમ કહું એમ નહિ કરે તો પોતાના મોબાઇલમાં રહેલા સ્ક્રીનશોપ પિતાને બતાવી દઇશ અને તને તથા તારી માતાને જાનથી મારી નાખીશ એવી ધમકીઓ આપતો હતો. એકવાર સગીરાને બળજબરીથી મવડી ચોકડીએ આવેલી ભૌતિક ઉર્ફે રવિએ પોતાની ફાઇનાન્સની ઓફિસમાં લઇ જઇ ઇચ્છા વિરુદ્ધ દુષ્કર્મ ગુજાર્યું હતું. આમ છ માસમાં બે-બે વાર દુષ્કર્મ ગુજારી સગીર પુત્રીને ગર્ભવતી બનાવી હતી.
પોલીસે આરોપીને શોધવા તપાસ આદરી
આજીડેમ પોલીસે મહિલાની ફરિયાદને આધારે આરોપી સામે અપહરણ, દુષ્કર્મ, પોકસો અને ધમકી સહિત IPCની કલમ 363, 366, 376 (2) (N), 506(2), પોકસો એકટ 5 (J)(2) અને (6) મુજબ ગુનો નોંધી આરોપી સંજયની શોધખોળ શરૂ કરી છે તેમ પીઆઈ વી.જે.ચાવડાએ જણાવ્યું હતું.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..