આખો દિવસ મોબાઈલમાં PUBG રમતા છોકરાએ ગુમાવ્યુ માનસિક સંતુલન, હાથ-પગ બાંધીને હોસ્પિટલ લઈ ગયા મા-બાપ

સ્માર્ટફોનના વધતા ઉપયોગથી યુવાનો સાથે ટીનેજર્સમાં પણ મોબાઈલ ગેમ રમવાની આદત વધી રહી છે. મોટાભાગના મા-બાપ બાળકના હાથમાં ફોન આપતા ડરે છે. વિડીયો ગેમ પાછળ બાળકો ગાંડપણની એવી હદ વટાવી રહ્યા છે કે ભણવાનું તો દૂર સમયસર ખાવાનું પણ ભાન નથી રાખતા. ત્યારે આવો જ એક મોબાઈલ ગેમના વળગણનો કિસ્સો સામે આવ્યો છે. જેમાં PUBG ગેમના કારણે છોકરો માનસિક રૂપે બીમાર થઈ ગયો.

આ ઘટના બિહારના બક્સર જિલ્લાની છે. જ્યાં આખો દિવસ મોબાઈલમાં PUBG ગેમ રમતો છોકરો માનસિક રૂપે અસ્થિર થઈ ગયો. છોકરામાં ગેમ માટે એટલું બધું ગાંડપણ હતું કે તેને દોરડાથી બાંધીને હોસ્પિટલ લઈ જવો પડ્યો. આ ઘટનાએ લોકોને વિચારવા પર મજબૂર કરી દીધા છે કે એક ઈન્ટરનેટ ગેમ કેવી રીતે યુવાઓને જકડીને રાખી રહી છે.

ઘટના મુજબ, બક્સરના મઠીયા મોડમાં રહેતા મોનુ નામના છોકરાને PUBGની એવી લત લાગી હતી કે ઘરના કોઈ સદસ્યો તેને કામ કરવા માટે કહે તો તે ઈનકાર કરી દીધો. ઘણીવાર તો પરિવારના લોકોને મારવા માટે પાછળ દોડતો હતો. તેની આવી હરકતોથી પરેશાન થઈને ઘરના લોકો તેના હાથ-પગ બાંધીને હોસ્પિટલ લઈ ગયા, જેથી તેની સારવાર થઈ શકે.

છોકરાની સારવાર કરી રહેલા ડોક્ટરના કહેવા મુજબ, ઘરના લોકોએ જણાવ્યું કે PUBG ગેમ રમવાના કારણે તેમના છોકરાની આવી હાલત થઈ છે. હાલમાં તેની સ્થિતિ સામાન્ય થઈ રહી છે અને તેની સારવાર કરવામાં આવી રહી છે.

ઉલ્લેખનીય છે કે આ પહેલા પણ PUBG ગેમના કારણે યુવાનોમાં માનસિક તણાવ, સ્વભાવમાં ઉગ્રતા સહિતના કેટલાક લક્ષણો જોવા મળ્યા છે. જે બાદ મનોચિકિત્સકોએ લોકોને આવી ગેમ ન રમવાની સલાહ આપી હતી. જોકે તેમ છતાં યુવાનો આ ગેમ રમતા હોય છે અને તેમના માનસ તેની આડઅસર થઈ રહી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..