લોકડાઉનમાં છેલ્લા એક મહિનાથી દરરોજ સ્ટાફના 60 સભ્યો તેમજ ગરીબોને જમાડી રહ્યા છે આ PSI, દિલથી સલામ છે એમને!

લોકડાઉન લાગુ કરાયું છે ત્યારથી પોલીસકર્મીઓ સતત 17-18 કલાક ખડેપગે ડ્યૂટી કરી રહ્યા છે. તેમને ચા-નાસ્તો તેમજ ભોજન કરવાનો પણ માંડ સમય મળે છે. જ્યારે ગાંધીનગર જિલ્લાના રખિયાલના સબ-ઈન્સપેક્ટર અને પોલીસ સ્ટેશનના ઈન-ચાર્જ રાગિણી ખરાડીને આ વાતની જાણ થઈ ત્યારે તેમણે દૂરથી આવતા પોતાના સ્ટાફના સભ્યોને જમાડવાની જવાબદારી પોતાના ખભે ઉપાડી લીધી.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

‘પોલીસકર્મીઓને ટિફિન મળે છે. પરંતુ ગરમીની આ સીઝનમાં સવારે 5 વાગ્યે બનાવેલું ટિફિન બપોરના 2 વાગ્યા સુધી સારું રહેતું નથી. તેથી મેં બે રસોઈયા રાખ્યા અને સાથી કર્મચારીઓને જમાડવા માટે મારું રસોડું ખોલી દીધું. હવે, મારા સ્ટાફના 124 સભ્યોમાંથી 60ને રોજ ઘરે બનાવેલું ભોજન મળે છે’, તેમ તેમણે કહ્યું. ‘આ કપરા સમયમાં સ્ટાફનો દરેક સભ્ય સ્વસ્થ રહે તે જરૂરી છે. તેથી તેમને સંતુલિત અને પૌષ્ટિક ભોજન આપવામાં આવે છે’

તેમને તે વાતનો ગર્વ છે કે તેમના અધિકારક્ષેત્રના 82 ગામડાઓમાંથી એક પણમાં કોરોનાનો કેસ નથી. ‘ગામડાઓમાં લોકડાઉનનું કડક રીતે પાલન થાય તેનું ધ્યાન અમારો સ્ટાફ રાખી રહ્યો છે. ટીમ સતત પેટ્રોલિંગ કરી રહી છે. જે લોકો કારણ વગર બહાર રખડે છે તેમના પર નજર રખાઈ રહી છે તો જરૂરિયાતમંદોને મદદ કરવામાં આવી રહી છે’, તેમ રાગિણીએ કહ્યું.

ગાંધીનગરના એસપી મયૂર ચાવડાએ કહ્યું કે, રાગિણીને પણ સ્વાસ્થ્યને લગતી કેટલીક સમસ્યા છે, પરંતુ તેઓ ડ્યૂટીને વધારે મહત્વ આપી રહ્યા છે. ‘પોલીસ સ્ટેશનના સ્ટાફ માટે તેઓ જે કાર્ય કરી રહ્યા છે તે પ્રશંસનીય છે. આવી કામગીરી તે સાબિત કરે છે કે દરેક પોલીસકર્મી પોલીસ પરિવારનો એક ભાગ છે અને તેઓ કોવિડ 19ને ફેલાતો રોકવા માટે શ્રેષ્ઠ પ્રયાસો કરી રહ્યા છે’, તેમ તેમણે કહ્યું.

જ્યારે સ્ટાફના સભ્યોને જાણ થઈ કે ઈન્દિરાનગરમાં રહેતા ગરીબોને નિયમિત જમવાનું નથી મળી રહ્યું તો રાગિણીએ તેમની પણ મદદ કરવાનું નક્કી કર્યું. હવે તેઓ નિયમિત આ વિસ્તારના ગરીબોને ખીચડી અને છાશ આપે છે. ‘લોકડાઉન લાગુ કરાયું તેને એક મહિનાથી વધુનો સમય થઈ ગયો છે. અમને સમુદાય તરફથી પણ થોડી સહાય અને ટેકો મળી રહ્યો છે’, તેમ રાગિણીએ જણાવ્યું.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..