લોકડાઉનમાં ફરજ બજાવતા મહિલા PSI ભાવનાબેન દેસાઈએ 40 દિવસથી નથી જોયું દોઢ વર્ષના પુત્રનું મોઢું, આવા રાષ્ટ્રરક્ષકોને દિલથી સલામ!

કોરોના લોકડાઉનમાં પોલીસ વિભાગની કામગીરી ખૂબ જ પ્રશંસનીય રહી છે. પોલીસકર્મીઓ કોરોના મહામારીના આ સમયમાં પરિવારથી દૂર રહીને પોતાની ફરજને વધુ પ્રાધાન્ય આપી રહ્યાં છે. અગાઉ બે પોલીસકર્મીઓએ પોતાના લગ્નપ્રસંગને રદ કરીને ફરજને વધુ મહત્વ આપ્યું હતુ. ત્યારે આજે વધુ એક કિસ્સો ઉમેરાયો છે. અમદાવાદમાં માધુપુરા પોલીસ સ્ટેશનમાં ફરજ બજાવતા મહિલાએ પીએસાઈએ તેમના દોઢ વર્ષના દીકરાનું 40 દિવસથી મોં પણ જોયું નથી. લોકડાઉન જાહેર થયાના એક દિવસ પહેલાથી અત્યાર સુધી તેઓ સતત લોકોની સલામતી માટે પોતાની ફરજ બજાવી રહ્યાં છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો

ભાવનાબેન દેસાઈ અમદાવાદના માધુપુરા પોલીસ સ્ટેશનમાં PSI તરીકે ફરજ બજાવે છે. કોરોનાના સંક્રમણને રોકવા માટે પીએમ મોદીએ 22 માર્ચે રવિવારના રોજ જનતા કરફ્યૂ જાહેર કર્યું હતું. તેના એક દિવસ પહેલા એટલે કે 21 માર્ચના રોજ ભાવનાબેને તેમના દોઢ વર્ષના દીકરાને માદરે વતન મહેસાણામાં તેમની માતા પાસે મૂકી આવ્યા હતા. ત્યારબાદ 25 માર્ચથી 14 એપ્રિલ સુધી ફર્સ્ટ ફેઝનું લોકડાઉન અને ત્યારબાદ સંક્રમણ વધતા લોકડાઉન 2.0 લાગુ કરવામાં આવ્યું હતું. દીકરાથી આટલા દિવસો સુધી દૂર રહેવું પડશે તેવું ભાવનાબેને ક્યારેય વિચાર્યું નહોતું. પરંતુ બીજી તરફ તેઓ ફરજને વધુ મહત્વ આપીને દીકરાને જોયા વગર 22 માર્ચથી અત્યાર સુધી સતત ખડેપગે ફરજ આપી રહ્યાં છે.

દીકરાની યાદ આવે ત્યારે શું કરે છે PSI?

તમને જણાવી દઈએ કે ભાવનાબેન પોતે અમદાવાદના કોરોના હોટસ્પોટ વિસ્તાર દાણીલીમડામાં પોલીસ લાઈનમાં રહે છે. મોટાભાગના કોરોના પોઝિટિવ કેસો ત્યાંથી સામે આવી રહ્યાં છે છતાંય જીવના જોખમે ખડેપગે લોકોની મદદ કરી રહ્યાં છે. ભાવનાબેન પોલીસ અધિકારી સાથે એક માતા પણ છે. દીકરાને મળ્યાને દોઢ મહિના જેટલો સમય થવા આવ્યો છે. આ દરમિયાન તેમને દીકરાની યાદ પણ આવે છે ત્યારે આવી પરિસ્થિતિમાં તેઓ રજા લેવાની જગ્યાએ વિડીયો કોલ પર પુત્ર જોડે વાત કરીને સંતોષ માને છે.

બે પોલીસકર્મીઓ પોતોના લગ્ન પ્રસંગ રદ કર્યા

હાલ કોરોના વાયરસના કારણે લગ્ન સીઝન હોવા છતાંય મોટાભાગના લગ્નપ્રસંગો રદ કરવામાં આવ્યા છે. ત્યારે બે પોલીસ જવાનોએ પણ પોતાના લગ્નપ્રસંગ રદ કરીને ફરજને વધારે પ્રાધાન્ય આપ્યું છે. કોરોના લોકડાઉનમાં પોલીસ જવાનો ફ્રન્ટલાઈન પર પોતાની ફરજ બજાવી રહ્યાં છે. ગાંધીનગરમાં SOGમાં ફરજ બજાવતા પોલીસકર્મી અને શાહપુર પોલીસ સ્ટેશનમાં ફરજ બજાવતા પોલીસ જવાનોએ લગ્ન હોવાથી રજા લેવાના બદલે પ્રસંગ જ રદ કરીને પોતાની ફરજને વધારે પ્રાધાન્ય આપ્યું છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..