પ્રોપર્ટી ખરીદતી વખતે ધ્યાનમાં રાખવા જેવી ઉપયોગી માહિતી

કોઇ પણ વ્યક્તિ પ્રોપર્ટી ખરીદતી વખતે પોતાની મહેનતની એક મોટી કમાણી તેમા લગાવી દે છે. એટલા માટે જરૂરી છે કે જે પ્રોપર્ટી ખરીદો ત્યારે તેની માન્યતાની સંપૂર્ણ તપાસ કરી લેવી. મધ્યપ્રદેશ હાઇકોર્ટના એડવોકેટ સંજય મેહરાનું કહેવું છે કે, જો તમે કોઇ ટાઉનશિપમાં પ્રોપર્ટી ખરીદી રહ્યા છો અને તેના માટે બધી જ બેન્ક લોન આપવા તૈયાર છે તો સમજી લો કે તે પ્રોપર્ટીમાં કોઇ રિસ્ક નથી, કારણ કે બેન્ક કોઇપણ ટાઉનશિપમાં લોન ત્યારે જ આપે છે જ્યારે ત્યાનું ટાઇટલ અને સર્ચ ક્લિયર હોય. તે સિવાય પણ વ્યક્તિએ પોતાના લેવલથી કેટલીક વસ્તુઓને વેરિફાઇ કરી લેવું જોઇએ. આજે અમે જણાવી રહ્યા છીએ કે, કોઇપણ પ્રોપર્ટી ખરીદતી વખતે તમારે કઇ-કઇ વસ્તુઓની કાળજી રાખવી જોઇએ.

લિંક દસ્તાવેજો ચેક કરો

તમે કોઇપણ પ્રોપર્ટી ખરીદો તો સૌથી પહેલા તેના લિંક ડોક્યુમેંટને ચેક કરી લો. એટલે કે પ્રોપર્ટી અત્યાર સુધીમાં કેટલી વાર ખરીદી અથવા વેચાવામાં આવી છે. આ ડિટેલ તમને જુની રજિસ્ટ્રીઓથી જાણવા મળશે. જેની પાસેથી પ્રોપર્ટી ખરીદો તેની પાસેથી જુની રજિસ્ટ્રીની કોપી લઇ લેવી. ત્યારબાદ ચેક કરો કે બધી જ રજિસ્ટ્રીમાં ડિટેલ એક-બીજાથી લિંક છે કે નહીં. જે તમને પ્રોપર્ટી વેચી રહ્યો છે તેનું આઇડી પ્રૂફ ચેક કરો અને તેને ડોક્યુમેંટની સાથે મેચ કરો. પ્રોપર્ટી વેચનાર પાસેથી પાવર ઓફ એટર્નીની કોપી લઇ લો.

જમીન રેકોર્ડની જાણકારી 

તમે જે જમીન ખરીદી રહ્યા છો, તેનો રેકોર્ડ શોધો. ખેતીની જમીન લઇ રહ્યા છો તો તેના ડોક્યુમેન્ટ્સની જાણકારી રાજ્ય સરકારના રાજસ્વ વિભાગથી મળી જશે. જમીનનો મેઝલ્સ નંબર જાણી લો. મેઝલ્સ નંબરથી તમને જમીન સાથે જોડાયેલી સમગ્ર જાણકારીઓ મળી જાય છે. જો તમે ઘર બનાવવા માટે જમીન ખરીદી રહ્યા છો તો પહેલા ચેક કરી લો કે જ્યાં જમીન છે ત્યાં રેસિડેંશિયલ પરમિશન છે કે નહીં. જો પ્રોપર્ટી કમર્શિયલ અથવા ઇન્ડસ્ટ્રિયલ છે તો તેવી જમીન ના ખરીદવી જોઇએ. તમે તેમા ઘર નહીં બનાવી શકો.

ટાઉનશિપમાં લઇ રહ્યા છો પ્રોપર્ટી તો આ ડોક્યુમેંટ્સ જોઇ લો

કોઇપણ ટાઉનશિપમાં પ્રોપર્ટી લઇ રહ્યા છો તો લેંડ યુઝ ચેક કરો. ચેક કરો કે ટાઉન એંડ કંટ્રી પ્લાનિંગની પરમિશન છે કે નહીં. લોકલ અર્થોરિટી જેમ કે, નગર નિગમથી નક્શો પાસે છે કે નહીં. સૌથી મહત્વપૂર્ણ હોય છે એ ચેક કરવું કે જે કોલોનીમાં તમે જમીન ખરીદી રહ્યા છો તે માન્ય છે કે નહીં. ઘણા લોકોને લાગે છે કે સરકારે રજિસ્ટ્રી કરી તો પ્રોપર્ટી માન્ય હશે પરંતુ એક્સપર્ટ્સનું માનવું છે કે એવું હોય તે જરૂરી નથી. રજિસ્ટ્રી કરતી વખતે સરકાર માત્ર રેવેન્યૂ એંગલથી ચેકિંગ કરે છે. ઘણી પ્રોપર્ટી માન્ય છે કે નહીં, તે ચેક કરવાની જવાબદારી પ્રોપર્ટી ખરીદીનાર વ્યક્તિની હોય છે.

જમીન ખરીદતી વખતે ન્યૂઝ પેપરમાં કેમ આપવી જોઇએ જાહેર નોટિસ? આ કારણે છે ખૂબ જ જરૂર

પ્રોપર્ટી ખરીદ્યા પહેલા પેપરમાં જાહેર નોટિસ જરૂર આપવી જોઇએ. ઘણીવાર લોકો તેને અવગણતા હોય છે પરંતુ જાહેર નોટિસ આપવાથી તમારો પક્ષ મજબૂત બને છે. આવામાં પ્રોપર્ટીને લઇને ભવિષ્યમાં કોઇ વિવાદ થાય તો તમે કોર્ટમાં મજબૂતીથી પોતાનો પક્ષ રાખી શકો છો. તે જ રીતે એગ્રીમેંટનું રજિસ્ટ્રેશન કરાવવું પણ જરૂરી છે. આજકાલ આ કામ રજિસ્ટ્રીની સાથે જ થઇ જાય છે. ઘણા લોકો એગ્રીમેંટ નથી કરાવતા. જેના કારણે તે કાયદાકીય રીતે નબળા પડી શકે છે.

પોસ્ટ પસંદ આવે તો લાઈક અને શેર કરવાનું ભૂલતા નહિ..

અમારી પોસ્ટ મેળવવા સબસ્ક્રાઈબ કરો

આપનું ઈ-મેલ એડ્રેસ નીચે લખો અને તમામ પોસ્ટ તમારા ઈમેઈલ પર મેળવો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ અમારી એન્ડ્રોઇડ એપ્લિકેશન ડાઉનલોડ કરો:-
close