ગુજરાતમાં દારૂબંધીના કડક અમલ માટે રાજ્યની પોલીસને દરોડા પાડવા અપાયા આદેશ, ગુજરાત પોલીસની એક સપ્તાહ સુધી સ્પેશ્યલ ડ્રાઇવ

રાજસ્થાનનાં મુખ્યમંત્રી અશોક ગહેલોત દ્વારા ગુજરાતમાં પોકળ દારૂબંધી અંગે કરવામાં આવેલ નિવેદન બાદ રાજ્યમાં રાજકીય માહોલ ગરમાયો છે. ત્યારે હવે રાજ્યની તમામ પોલીસને દારૂ અને જુગારના અડ્ડાઓ પર દરોડાની કાર્યવાહી કરવા માટે ગાંધીનગર પોલીસ ભવનથી ફેક્સ કરી આદેશ અપાયા છે.

બુધવારથી એક સપ્તાહ સુધી સ્પેશ્યલ ડ્રાઇવ

ફેક્સમાં જણાવવામાં આવ્યુ છે કે રાજ્યમાં દારૂ અને જુગારની પ્રવૃત્તિ અટકાવવા માટે પોલીસની તમામ એજન્સીઓ દ્વારા બુટલેગરો, જુગારીઓ તથા શંકાસ્પદ સ્થળોએ દરોડાની કાર્યવાહી કરવામાં આવે. આ સ્પેશ્યલ ડ્રાઇવ આજે બુધવારથી એક સપ્તાહ સુધી ચાલશે. જ્યાં બુટલેગરો સાથે સ્થાનિક પોલીસની સાંઠગાંઠની શંકા જણાય ત્યાં સ્ટેટ મોનિટરિંગ સેલ દ્વારા દરોડાની કાર્યવાહી કરવામાં આવે.

કામગીરી માત્ર કાગળ પરની કામગીરી બનીને ન રહે 

આદેશમાં સુચના આપવામાં આવી છે કે, સ્પેશ્યલ ડ્રાઇવ દરમિયાન અસરકારક કામગીરી કરવામાં આવે અને આ કામગીરી માત્ર કાગળ પરની કામગીરી બનીને ન રહે તેનું ખાસ ધ્યાન રાખવામાં આવે. કામગીરીની તમામ વિગતો દરરોજ સ્ટેટ કંટ્રોલ રૂમને પહોંચાડવા જણાવાયું છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..

અમારી પોસ્ટ મેળવવા સબસ્ક્રાઈબ કરો

આપનું ઈ-મેલ એડ્રેસ નીચે લખો અને તમામ પોસ્ટ તમારા ઈમેઈલ પર મેળવો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ અમારી એન્ડ્રોઇડ એપ્લિકેશન ડાઉનલોડ કરો:-
close