સુરતમાં ખોટો રૌફ જમાવતા લોકો માટે લાલબત્તી સમાન કિસ્સો: લવરમૂછિયાને ગન સાથેનો વિડિયો સોશિયલ મીડિયામાં મૂકવો ભારે પડ્યો, પોલીસે કરી કાર્યવાહી
સુરત શહેરમાં પોલીસ (Surat Police) સોશિયલ મીડિયા (Social Media) ઉપર આવા વાંધાજનક અને પ્રજામાં ભય ફેલાય તેવા વીડિયો (Video) તેમજ ફોટોગ્રાફ (Photograph) અપલોડ કરનાર ઇસમો ઉપર પોલીસ સતત વોચ રાખી રહેલ છે. અને આવા પ્રજામાં ભય ફેલાય તેવું સોશિયલ મીડિયાના માધ્યમ દ્વારા કૃત્ય કરનાર ઇસમો વિરૂધ્ધ કડકમાં કડ કાર્યવાહી કરવા માટે તત્પર છે ત્યારે અગાવ બે પોલીસ સ્ટેશનમાં મારામારી ના ગુનામાં પકડાયેલ ઈસમે પોતાના સોસિયલ મીડિયામાં રિવોલ્વર સાથેનો એક વીડિયો અપલોડ કર્યો હતો જોકે, પોલીસે તેને ઝડપી પાડી તપાસ કરતા આ ઈસમ પાસેથી એક દેશી પિસ્તોલ મળી આવી હતી.
સ્થાનિક સ્વરાજની ચૂંટણી અનુસંધાને શહેર વિસ્તારમાં કાયદો અને વ્યવસ્થાની પરીસ્થિતી યોગ્ય રીતે જળવાઈ રહે તે માટે ગેરકાયદેસર રીતે હથીયાર રાખતા ઈસમોને તેમજ પ્રજામાં ખોટો રૌફ જમાવતા અને ભય ફેલાવતા ઇસમોને શોધી કાઢી તેઓની સામે કાયદેસરની કાર્યવાહી કરવા સુચના પોલીસ વિભાગને આપવામાં આવી છે.
તેવામાં SOG પોલીસ ના ધ્યાને આવેલ કે સોસિયલ મીડિયામાં અમુક ઇસમો ગેરકાયદેસર પ્રકારના હથિયારો સાથેના વીડિયો બનાવી ઇન્સ્ટાગ્રામ સહીતની વિવિધ મેસેન્જર એપમાં વીડિયો અપલોડ કરી પ્રજામાં પોતાનો રોફ જમાવે છે અને ભય ઉભો કરે છે, જેથી આવા ઈસમો અંગે તપાસ કરતા અલગ અલગ ટીમો બનાવી હતી.
જેમાં એક ટીમને સોશિયલ મીડિયા ઉપર સર્વેલન્સ દરમ્યાન જાણવા મળ્યું હતું કે ઇન્સ્ટાગ્રામ મેસેન્જર એપ્પ મા એક ઈસમે પોતાની પાસે રીવોલ્વર જેવું હથિયાર સાથે રાખી પોતાનો વીડિયો બનાવી અપલોડ કર્યો હતો અને જેના કારણે આમ જનતાના માનસમાં ભય ઉભો થઇ શકે છે.
સુરત : યુવકને સોશિયલ મીડિયામાં ગન સાથે વીડિયો બનાવી પોસ્ટ કરવો ભારે પડ્યો, SOGએ ધરપકડ કરી pic.twitter.com/FH4f1QdgKz
— News18Gujarati (@News18Guj) February 14, 2021
પોલીસે ઝડપી પાડેલા શખ્સ પાસેથી દેશી બનાવટની પિસ્તલ મળી આવી
જેથી તે ઈસમના સોશિયલ મીડિયા એકાઉન્ટ બાબતે તપાસ કરી બાલાપીર દરગાહ પાસે જીલાની બ્રીજની નીચે લાલગેટ ખાતે વોચ ગોઠવી આરોપી મઝહર મુનાફ શેખ ઉ.વ .22 મદારીવાડ રીફાઈ મજીદની પાછળ વરીયાવી બજાર લાલગેટ સુરત ને ઝડપી પાડી તેની અંગ ઝડતીમાંથી દેશી હાથ બનાવટની રિવોલ્વર નંગ -1 મળી આવી હતી.
પોલીસે આ ઈસમ વિરુદ્ધ કાર્યવાહી કરી વધુ પૂછપરછ કરતા પોતે વારંવાર પોતાના ટીકટોક ઉપર વિડીયો બનાવી અપલોડ કરતો હોય પરંતુ ટીકટોક બંધ થતા તેના જેવી બીજી ઇન્સ્ટાગ્રામ મેસેન્જર એપ્પ . ઉપર પોતાના બનાવેલ વીડિયો અપલોડ કરતો હતો બાદ તેના ભાઈનો સાળો તેને રિવોલ્વર વેચવા આપી જતા આ રીવોલ્વર પોતાની પાસે રાખી મુકેલ અને બાદ તે રિવોલ્વર સાથે પોતાનો વીડિયો બનાવી ઇન્સ્ટાગ્રામ મેસેન્જર એપ.ઉપર અપલોડ કરેલા હોવાની હકીકત જણાવી હતી.
આરોપી તથા તેને આ હથિયાર આપનાર વિરૂધ્ધમાં આર્મ્સ એકટ મુજબનો ગુનો નોંધી વધુ તપાસ શરૂ કરી છ જોકે અપકડાયેલ આરોપી વિરુદ્ધ સુરત ના અલગ અલગ બે પોલીસ મથકમાં મારામારીના ગુના પણ દાખલ થયેલા છે.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..