ગાંધીનગરમાં વિકૃત યુવકની હરકતોએ પોલીસની ઊંઘ હરામ કરી, રસ્તા પર જતી યુવતી કે મહિલાને જોઈને પેન્ટ ઉતારી અશ્લિલ હરકતો કરતો

રાજ્યની રાજધાનીમાં પણ મહિલાઓ વિરુદ્ધ આચરવામાં આવતા ગુનાને લઈને મહિલાઓ કેટલી સુરક્ષિત છે તેને લઈને પ્રશ્ન ઉભા થઈ રહ્યા છે. તેવામાં એક યુવાનની હરકતે ગાંધીનગર પોલીસની ઊંઘ હરામ કરી દીધી હતી. ગાડીમાં આવી આ રોમિયો એવી રોમિયો ગિરિ કરતો કે મહિલા અને યુવતીઓ શરમમાં મુકાઈ જતી હતી. જોકે પોલીસના હાથે પકડાઈ જાય નહીં તે માટે પોતે અશ્લીલ હરકત કરી ગણતરીની મિનિટોમાં તો પલાયન થઈ જતો. આખરે પોલીસે ડિકોય કરી આરોપીને ઝડપી પાડ્યો છે.

પ્રાપ્ત માહિતી અનુસાર, છેલ્લા કેટલાક દિવસથી ગાંધીનગર સેકટર 7 અને સેક્ટર 9ના વિસ્તારમાં રહેતા નાગરિકો દ્વારા પોલીસને રજૂઆત કરવામાં આવી હતી કે, એક ઈસમ વ્હાઈટ કલરની નંબર પ્લેટ વગરની ગાડીમાં આવીને એકલ દોકલ અવર જવર કરતી સ્ત્રીઓની સામે આવે છે અને ટી-શર્ટ કાઢી પેન્ટ કાઢી અશ્લિલ હરકતો કરે છે. આવી અનેક ફરિયાદો આવતા પોલીસ આરોપીને પકડવા માટે કામે લાગી હતી.

આ દરમિયાન આ શંકાસ્પદ યુવક કાર લઈને સેકટર 8માંથી સેકટર 9 વિસ્તાર તરફ જતો જાણવા મળતા પોલીસે તેનો પીછો કરી ડિકોય ગોઠવી હતી. આરોપી સેકટર 9 વિસ્તારમાં એકાંત વાળી જગ્યાએ ગાડી પાર્ક કરીને ઊભો રહેતા પોલીસે એક મહિલા પોલીસ કર્મચારીને તેની પાસે મોકલી હતી. આદતથી મજબુર છૂપાવેશમાં આવેલી મહિલા કોન્સ્ટેબલને ઓળખી ન શક્યો અને ગાડીમાંથી નીચે ઊતર્યો હતો અને તુરંત મહિલા સાથે અશ્લીલ માંગણીઓ કરી, ટીશર્ટ કાઢી પેન્ટ કાઢી અશ્લીલ હરકતો કરવા લાગ્યો હતો. બસ અહીં જ મહિલા પોલીસ કોન્સ્ટેબલે તેને રણચંડી બની સબક શિખવાડ્યો અને સાથી પોલીસ કર્મીઓની મદદથી તેને ઝડપી લીધો હતો.

પોલીસ દ્વારા આરોપીની પૂછપરછમાં જાણવા મળ્યું છે કે, આરોપીનું નામ બ્રિજેશ સોલંકી છે અને તે ગાંધીનગર સેકટર-7નો રહેવાસી છે. પોલીસની તપાસમાં આરોપી સામે અગાઉ સેકટર 7 પોલીસ સ્ટેશનમાં હત્યાનો પણ ગુનો નોંધાયો હોવાનું સામે આવ્યું છે. જેમાં તેને કેદની સજા થયેલ છે. અને સેકટર 21માં વિશ્વાસઘાતનો ગુનો પણ દાખલ થયેલ છે. એટલે કે, આરોપી રીઢો ગુનેગાર છે. પોલીસે આરોપી વિરુદ્ધ ગુનો નોંધી કાયદેસરની કાર્યવાહી હાથ ધરી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..