માવતર જ કમાવતર બન્યા! પૈસા માટે સગી દીકરીને વેચી દીધી, પ્રેગ્નેટ છોકરી પોલીસ સ્ટેશન પહોંચતા થયો ચોંકાવનારો ખુલાસો

શિનોર તાલુકામાં સગા મા-બાપે પૈસા માટે દીકરીને વેચી દીધી હોવાનો મામલો સામે આવતા ખળભળાટ મચી ગયો. 17 વર્ષની સગીરાએ પોતાના મા-બાપ અને પોતાના જાર (ઉપપતિ) વિરુદ્ધ ચાઈલ્ડ ટ્રાફીકિંગના આરોપો લગાવ્યા છે. પોલીસે આ મામલે છોકરીના મા-બાપ અને જાર વિકાસ વસાવાની ધરપકડ કરીને તેમને ક્વોરન્ટાઈન ફેસિલિટીમાં રાખ્યા છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

સગીરા હાલમાં પ્રેગ્નેટ છે અને વિકાસે તેને 1લી જૂને ઘર છોડીને જતા રહેવા કહેતા તેણે ફરિયાદ નોંધાવી હતી. આ બંને લિવ-ઈન રિલેશનશીપમાં રહેતા હતા. પોતાની દીકરી પ્રેગ્નેટ હોવાનું જાણીને મા-બાપે 50,000 રૂપિયામાં તેની કસ્ટડી વિકાસને આપી દીધી હતી.

છોકરી જ્યારે પાછી ઘરે આવી તો તેના મા-બાપે પણ તેને ઘરમાં રાખવાથી ઈનકાર કરી દીધો કારણ કે તેમણે વિકાસ સાથે કરાર કર્યા હતા. આ વાતને છોકરી પણ જાણતી હતી, પરંતુ બંને સુખેથી સાથે રહેતા હોવાના કારણે તેને આ વાત સામે કોઈ ફરિયાદ નહોતી.

જોકે થોડા મહિનાઓ પહેલા જ છોકરીના કોઈ સગાએ તેના પિતાને ઉશ્કેરવાનું શરૂ કર્યું અને તેમણે વિકાસ પાસેથી ઓછા પૈસા લીધા હોવાનું જણાવ્યું. પોલીસ અધિકારીએ જણાવ્યુ, સંબંધીએ છોકરીના પિતાને કહ્યું કે 50,000 રૂપિયા ખૂબ જ ઓછા છે, છોકરી સગીર હોવાના કારણે તેણે 5 લાખ રૂપિયા લેવા જોઈતા હતા. આથી તેના પિતાએ વધારે પૈસા માગવાનું શરૂ કરી દીધું.

વિકાસ મજૂરી કામ કરતો હોવાના કારણે વધારે પૈસા આપવાથી ઈનકાર કરી દીધો. પરંતુ જ્યારે છોકરીના પિતા સતત તેને પૈસા આપવા માટે દબાણ કરતા રહ્યા તો તેણે છોકરીને પોતાના મા-બાપને ઘરે પાછા જતા રહેવા માટે કહી દીધું.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..