70 વર્ષીય વૃદ્ધ દંપતી પૌંઆ વેચી ચલાવે છે ગુજરાન, પરિવારમાં નથી કોઈ કમાનારું, ઈમાનદારી અને મહેનત જોઈ લોકો થયા ભાવુક
વ્યક્તિના જીવનમાં ઘડપણ એટલે આરામના વર્ષો. આખું જીવન કામ કર્યા બાદ વ્યક્તિને માત્ર ઘડપણમાં સૌથી વધારે શાંતિ મળતી હોય છે. જો કે, કેટલાક લોકોના નસીબમાં ઘડપણમાં પણ કામ લખેલું હોય છે. તેમના જીવનના શબ્દકોષમાં આરામ નામનો શબ્દ હોતો નથી. સોશિયલ મીડિયા પર આપણે ઘણા એવા વીડિયો જોયા છે, જેમાં વૃદ્ધ કે વૃદ્ધાનો પરિવારે સાથે છોડી દીધો હોય અને તેમની પાસે રહેવા માટે ઘર ન હોય તેથી તેઓ કોઈને કોઈ નાનું-મોટું કામ કરીને પેટિયું રળતા હોય. વધુ એક આવો વીડિયો વાયરલ થયો છે, જેમાં 70 વર્ષીય વૃદ્ધ દંપતીને જોઈને તમારી આંખો ભીની થઈ જશે અને તેમને સલામ કરવાની પણ ઈચ્છા થશે.
વાયરલ થયેલો વીડિયો ફૂડ વ્લોગર વિવેક અને આયેશાના ઈન્સ્ટાગ્રામ પરથી શેર કરવામાં આવ્યો છે. જેમાં 70 વર્ષીય દંપતીને પૌંઆ અને આલૂ બોન્ડા વેચતા જોઈ શકાય છે. તેઓ નાગપુરના ટાંડાપેઠમાં પંડિત નેહરૂ કોન્વેન્ટની સામે રસ્તા પર પૌંઆ વેચે છે. તેઓ ભાડાના મકાનમાં રહે છે અને જે કંઈ કમાણી થાય તેનાથી ભાડું ભરે છે અને ઘર ચલાવે છે.
દંપતીને પાંચ દીકરીઓ છે અને 6-7 દોહિત્ર કે દોહિત્રીઓ પણ છે.
તેઓ એકલા રહેતા હોવાથી અને આવકનું કોઈ સાધન ન હોવાથી છેલ્લા ચાર વર્ષથી પૌંઆ વેચી રહ્યા છે. તેઓ સવારે વહેલા ઉઠીને બધી તૈયારી કરે છે અને પાંચ વાગ્યે પોતાના સ્થળ પણ આવી જાય છે. તેઓ માત્ર 10 રૂપિયામાં નાગપુર સ્ટાઈલ તરી-પૌંઆ વેચે છે જ્યારે આલૂ બોન્ડાની
એક પ્લેટ 15 રૂપિયામાં આપે છે.
વૃદ્ધ કપલની હિંમત જોઈને લોકો તેના ફેન બની ગયા છે. વીડિયો જોયા બાદ ત્યાં રહેતા ઘણા યૂઝર્સ પૌંઆ ખાવા માટે દાદા-દાદીની દુકાને પહોંચ્યા તો કેટલાકે આ કપલની હિંમતના વખાણ કર્યા. કેટલાકનું કહેવું છે કે, આ ઉમરે તેઓ જે કામ કરી રહ્યા છે તે પ્રશંસનીય છે.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..