સેવાભાવી લોકોને સેવા કરતા જોઈને આ દાદીએ હજ માટે એકઠા કરેલા રૂ.5 લાખ એક ઝાટકે દાનમાં આપી દીધા, ધન્ય છે આ દાદીને
કોરોના વાયરસના વધી રહેલા જોખમ સામે લડવા માટે દરેક વ્યક્તિ મદદનો હાથ લંબાવી રહ્યા છે. ત્યારે જમ્મુ કાશ્મીરમાંથી એક સારી ખબર આવી રહી છે. અહીંના સ્થાનિક નિવાસી એક વૃદ્ધ મહિલાએ હજ યાત્રા માટે એકઠા કરેલા રૂપિયા દાનમાં આપી દીધા. 87 વર્ષના ખાલીદા બેગમે RSS સાથે જોડાયેલી સંસ્થા ‘સેવા ભારતી’ને 5 લાખ રૂપિયાની રકમ દાન કરી. તેઓ લોકડાઉન દરમિયાન સંસ્થાએ કરેલા કામથી ઘણા પ્રભાવિત થયા હતા.
She is Khaleda Begum, age 87 years, she had saved Rs 5 lakh to perform #Hajj which she donated for the #coronavirus charity.. pic.twitter.com/lNLIAFqA7r
— SwePost (@sweposten) March 30, 2020
RSSના અરુણ આનંદે જણાવ્યુ, ‘ખાલીદા બેગમ કોરોના વાયરસના કારણે લાગેલા લોકડાઉનમાં જમ્મુ કાશ્મીરમાં ‘સેવા ભારતી’ એ કરેલા માનવ સેવાના કાર્યોથી પ્રભાવિત હતા અને પાંચ લાખ રૂપિયા દાન કરવાનો નિર્ણય કર્યો. તેઓ ઈચ્છે છે કે આ પૈસાનો ઉપયોગ જમ્મુ કાશ્મીરના ગરીબો અને જરૂરિયાતમંદ લોકો માટે કરવામાં આવે. તેમણે આ રકમ હજ કરવા માટે બચાવીને રાખી હતી, પરંતુ હાલની સ્થિતિના કારણે તેઓ જઈ શક્યા નહીં.’
સેવા ભારતી જમ્મુ અને અન્ય ભાગોમાં લોકડાઉનથી મુશ્કેલીમાં મુકાયેલા લોકોની સતત મદદ કરી રહી છે. જમ્મુમાં 2014માં પૂર આવ્યું ત્યારથી આ સંસ્થા લોકોની મદદ કરી રહી છે. સંસ્થા દ્વારા કેન્દ્ર શાસિત પ્રદેશમાં બ્લ્ડે ડોનેશન કેમ્પ, મેડિકલ કેમ્પ, આંખના પરીક્ષણના કેમ્પ, સ્વચ્છતાના કાર્યો સહિતના કામે કરવામાં આવે છે.
ઉલ્લેખનીય છે કે કોરોના વાયરસ સામે હાલની સ્થિતિમાં PM મોદીએ લોકોને આગળ આવીને મદદ કરવા કહ્યું છે. રતન ટાટા, રિલાયન્સ ઈન્ડસ્ટ્રી, ગૌતમ અદાણી, બોલિવૂડ જગત, સ્પોર્ટ્સ જગત સહિતના લોકો આગળ આવીને કરોડોનું દાન કરી રહ્યા છે. એવામાં અન્ય લોકોને પણ દાન આપવા આગળ આવવા ખાલીદા બેગમે સારું દ્રષ્ટાંત પૂરું પાડ્યું હતું.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..