શિક્ષિકાએ ડૉક્ટર પ્રેમીની તમામ જરૂરિયાતો પૂરી કરીને પસ્તાવાનો વારો આવ્યો, પેલાએ મોટો દાવ કરી નાખ્યો

મધ્યપ્રદેશમાં બનેલી એક ઘટનામાં યુવતીએ પોતાના કથિત પ્રેમી પર દગો આપવાનો આરોપ મૂક્યો છે. શિક્ષક યુવતી ડૉક્ટરના પ્રેમમાં હતી, હવે તેની સામે દુષ્કર્મની ફરિયાદ નોંધાવી છે. આરોપી ડૉક્ટર હાલ ફરાર છે, જેની પોલીસ દ્વારા તપાસ કરવામાં આવી રહી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

પીડિત શિક્ષિકા પ્રેમિકાની ફરિયાદ છે કે તેણે પોતાના ડૉક્ટર પ્રેમીનો ભણવાનો ખર્ચ ઉઠાવ્યો અને તેની તમામ જરુરિયાત સંતોષી હતી. શિક્ષક પ્રેમિકાએ પ્રેમીને ઘર બનાવવાથી લઈને બાઈક ખરીદવા અને લોન પર કાર ખરીદી આપી હતી. પરંતુ ભણવાનું પૂરું થયા બાદ જ્યારે યુવકને પ્રાઈવેટ હોસ્પિટલમાં નોકરી મળી ગઈ તો તેણે ચોરી-છૂપે અન્ય યુવતી સાથે લગ્ન કરી લીધા હતા. જ્યારે શિક્ષક પ્રેમિકાને આ વિશે ખબર પડી તો તેણે યુવક પર દુષ્કર્મનો આરોપ લગાવ્યો છે.

આ ઘટના ધાર જિલ્લાના ધનપુરી ગામની છે. પીડિત યુવતીનું કહેવું છે કે તે અને આરોપી યુવક દિલીપ ઠાકુર બન્ને એક જ સ્કૂલમાં ભણતા હતા. બન્નેના ઘર પણ નજીકમાં જ હતા. બન્ને પહેલાથી એકબીજાના દોસ્ત હતા, જે પછી દોસ્તી પ્રેમમાં પરિણમી હતી. શિક્ષિકાના પ્રેમી દિલીપને ડૉક્ટર બનવું હતું, પરંતુ તેની આર્થિક સ્થિતિ સારી નહોતી. તેણે નોકરી મળ્યા પછી લગ્ન કરવાની વાત કરી હતી, જેના માટે છોકરીના ઘરવાળા પણ તૈયાર હતા. 2009માં યુવતીને સરકારી સ્કૂલમાં નોકરી મળી ગઈ. તેનો દાવો છે કે તેણે દિલીપના ભણવા પાછળ 10 વર્ષમાં 46 લાખ રૂપિયા ખર્ચો કર્યો છે.

યુવતીએ પોતાની ફરિયાદમાં જણાવ્યું કે, લગ્નનું વચન આપ્યું હોવાથી દિલીપ સાથે તેણે ઘણી વખત શારીરિક સંબંધ બાંધ્યા હતા. 2017માં MBBS ડિગ્રી મળ્યા બાદ તેણે પહેલા વાતચીત કરવાનું ઓછું કરી દીધું હતું અને ફછી લગ્ન કરવાનો ઈનકાર કરી દીધો હતો. આ વર્ષે 21 માર્ચે તેણે બીજી યુવતી સાથે લગ્ન કરી લીધા હતા.

લગ્નની ખબર પડતા પીડિત યુવતીએ તેની સામે ફરિયાદ નોંધાવી છે. તેણે આરોપી યુવકની ડિગ્રી રદ્દ કરવાની સાથે તેને કડક સજા કરવાની માંગ કરી છે. યુવતીની ફરિયાદના આધારે પોલીસે ડૉક્ટર દિલીપની શોધખોળ શરુ કરી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..