ભારતીય મૂળના આ ડોક્ટરે અમેરિકામાં રચ્યો ઈતિહાસ, 20 વર્ષીય કોરોના દર્દીની ડબલ લંગ ટ્રાન્સપ્લાન્ટની સર્જરી કરી આપ્યું નવું જીવન

ઉત્તરપ્રદેશના મેરઠમાં જન્મેલા અને હાલ અમેરિકામાં કાર્યરત ડોક્ટર અંકિત ભરતે મેડિકલની દુનિયામાં ઈતિહાસ રચ્યો છે. ડોક્ટર અંકિત ભરત અમેરિકાની એક હોસ્પિટલમાં ડોક્ટર્સની એક ટીમનું નેતૃત્વ કરી રહ્યા હતા. તેમણે એક દર્દીના ડબલ લંગ ટ્રાન્સપ્લાન્ટની સર્જરીમાં સફળતા મેળવી છે. તેમણે વધુમાં જણાવ્યું કે ડોક્ટર્સને આ પ્રકારની સર્જરીમાં પહેલી વખત સફળતા મળી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

ડોક્ટર અંકિત ભરતે જે દર્દીમાં ડબલ લંગ ટ્રાન્સપ્લાન્ટની સર્જરી કરી છે તે માત્ર 20 વર્ષની યુવતી છે. કોરોના વાયરસના કારણે આ યુવતીના ફેફ્સા કામ કરતા નહોતા. આ ભારતીય મૂળના ડોક્ટરે જણાવ્યું કે તારીખ 5 જૂનના રોજ કોરોના વાયરસ સંક્રમિત યુવતીના લંગ ટ્રાન્સપ્લાન્ટ કરવામાં આવ્યા હતા. તેમણે જણાવ્યું કે આ ડબલ લંગ ટ્રાન્સપ્લાન્ટની સર્જરી સૌથી જટિલ પ્રક્રિયા પૈકીની એક છે.

ભારતીય મૂળના ડોક્ટરે જણાવ્યું કે ડબલ લંગ ટ્રાન્સપ્લાન્ટની સર્જરી કરતા પહેલા અમારે તે સ્પષ્ટ કરવાનું હતું કે દર્દીના શરીરમાંથી કોરોના વાયરસ સંપૂર્ણરીતે સમાપ્ત થઈ ગયો છે કે નહીં. જ્યારે સર્જરીની શરૂઆત કરી ત્યારે ચાર કોરોના રિપોર્ટ્સ નેગેટિવ જાણવા મળ્યા. પણ, દર્દીના શરીરના અન્ય ભાગમાં પણ કોરોના વાયરસના સંક્રમણની અસર જોવા મળી હતી.

આ દર્દીને વેન્ટિલેટર પર રાખવામાં આવી કે જેથી તેના હાર્ટ અને ફેફ્સાને સપોર્ટ મળે. આ દર્દી માટે અમને એક ડૉનર મળી ગયો. એક બ્રેઈન ડેડ વ્યક્તિના ફેફ્સાને આ ડબલ લંગ ટ્રાન્સપ્લાન્ટની સર્જરી માટે ઉપયોગમાં લેવાયા. હવે આ યુવતીની તબિયત સુધારા પર છે અને તે ઝડપથી રિકવર થઈ રહી છે. આ ડોક્ટરે જણાવ્યું કે આ સર્જરીની સફળતાથી કોરોના વાયરસના અન્ય દર્દીઓ માટે આશા જાગી છે. જે દર્દીઓના ફેફ્સા પર કોરોના વાયરસની અસર થઈ છે તેઓ માટે આ મેડિકલ ટ્રીટમેન્ટ આશાનું કિરણ છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..