શબવાહિની નહીં મળતા પત્નીના શબને ટ્રોલી પર રાખીને 45 કિમી ચાલ્યો ખેડૂત પતિ, આ દ્રશ્ય જોઈને લોકોની આંખો ભીની થઈ

ઉત્તરપ્રદેશના પ્રયાગરાજ જિલ્લામાં શબવાહિની નહીં મળવાના કારણે એક શખ્સ તેની પત્નીના શબને લઈને 45 કિલોમીટર ચાલ્યો. કારણકે, હોસ્પિટલ પર એવો આરોપ છે કે આ મહિલાના મૃત્યુ બાદ તેના પરિવારને શબવાહિની મળી શકી નહીં.

જાણકારી અનુસાર, પ્રયાગરાજના શંકરગઢ વિસ્તારમાં રહેતા કલ્લુ નામના વ્યક્તિએ તેની પત્નીને પાંચ દિવસ પહેલા શહેરની એક હોસ્પિટલમાં દાખલ કરી હતી. તેની પત્નીને માથામાં ઈજા પહોંચી હતી, ત્યારબાદ તેને આ હોસ્પિટલમાં લાવવામાં આવી કે જ્યાં ઈલાજ દરમિયાન તેનું મૃત્યુ નીપજ્યું. પત્નીના મૃત્યુ બાદ કલ્લુ નામના આ વ્યક્તિએ હોસ્પિટલને જણાવ્યું કે પત્નીના શબને ઘરે લઈ જવા માટે વાહન જોઈએ છે. પણ કોઈ વાહન નહીં મળવાના કારણે આ વ્યક્તિ તેની પત્નીના શબને એક ટ્રોલી પર રાખીને 45 કિલોમીટર સુધી ચાલીને ઘર સુધી પહોંચ્યો.

આખા રસ્તા પર આ દ્રશ્ય જોઈને શહેરના લોકોની આંખો ભીની થઈ ગઈ અને તમામ લોકોએ સરકારની તે વ્યવસ્થાઓ પર સવાલ પણ ઉઠાવ્યા કે જેમાં દરેક શહેરમાં શબવાહિની હોવાના દાવા કરવામાં આવ્યા હતા. હવે ઘટના બાદ આ વિસ્તારના કેબિનેટ મંત્રી સિદ્ધાર્થ નાથ સિંહે આ મુદ્દે તપાસના આદેશ આપ્યા છે.

આ સમગ્ર મુદ્દે સ્વરૂપ રાની નેહરુ હોસ્પિટલના ચિકિત્સા અધીક્ષકે જણાવ્યું કે સોના નામના કોઈ દર્દીનો અહીં દાખલ થયા હોય તેવો રેકોર્ડ નથી. આ નામની કોઈ મહિલાના મૃત્યુનું પ્રમાણપત્ર પણ આપવામાં આવ્યું નથી.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..

અમારી પોસ્ટ મેળવવા સબસ્ક્રાઈબ કરો

આપનું ઈ-મેલ એડ્રેસ નીચે લખો અને તમામ પોસ્ટ તમારા ઈમેઈલ પર મેળવો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ અમારી એન્ડ્રોઇડ એપ્લિકેશન ડાઉનલોડ કરો:-
close