યુપીમાં ચોંકાવનારી ઘટના આવી સામે: 25 વર્ષના જમાઈને 50 વર્ષની સાસુ સાથે પ્રેમ થઈ જતાં જમાઈ સાસુને ભગાડી ગયો, દસ મહિના બાદ બંને પરત ફર્યા

મુઝફ્ફરનગર: એક વિચિત્ર કેસમાં પોલીસે 50 વર્ષની મહિલા અને તેના 25 વર્ષના પ્રેમી સામે ફરિયાદ દાખલ કરીને તેમની ધરપકડ કરી છે. પોલીસ તપાસમાં બહાર આવ્યું હતું કે પ્રેમી-પ્રેમિકા સાસુ-જમાઈ થાય છે. તેમની આ હરકતથી તેમના પરિવારજનો અને સમાજમાં પણ રોષનો માહોલ પ્રવર્તી રહ્યો હોવાથી કાયદા-વ્યવસ્થાની કોઈ તકલીફ ના થાય તે માટે પોલીસે તેમની ધરપકડ કરી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

આ પ્રેમીપંખીડા 10 મહિના પહેલા ઘરેથી ભાગી ગયાં હતાં, અને બુધવારે પરત ફર્યા હતા. તેમનો પત્તો લાગતા જ પોલીસે તેમની સામે કલમ 151 હેઠળ કેસ દાખલ કરીને તેમને લોકઅપમાં પૂરી દીધા હતા. આ કલમ હેઠળ પોલીસ જાહેર સલામતી અને કાયદા વ્યવસ્થાને જાળવી રાખવા માટે મેજિસ્ટ્રેટના વોરંટ વિના કોઈની પણ ધરપકડ કરી શકે છે. આ ઘટના ઉત્તરપ્રદેશના મુઝફ્ફરનગર જિલ્લામાં બની છે.

ચોંકાવનારી વાત એ છે કે જમાઈ જોડે ભાગી ગયેલી મહિલાના દીકરાના ઘરે પણ બે બાળકો છે. તેમ છતાંય તે પોતાનાથી અડધી ઉંમરના જમાઈના પ્રેમમાં પડી હતી. જોકે, તેમનો ભાંડો ફુટી જતાં જોરદાર બબાલ થઈ હતી. ઘરના લોકોએ પણ આ સંબંધોનો વિરોધ કરતાં આખરે જમાઈ અને સાસુ ભાગી ગયાં હતાં. 10 મહિના બાદ તેઓ ઘરે પરત ફર્યા ત્યારે પણ જોરદાર બબાલ થઈ હતી. જેની જાણ થતાં જ પોલીસની એક ટીમ તેમના ગામડે પહોંચી હતી અને બંનેને કસ્ટડીમાં લઈ લીધા હતા.

સ્થાનિક પોલીસ સ્ટેશનના ઈન્ચાર્જ જિતેન્દ્ર તેવટિયાના જણાવ્યા અનુસાર, આ મામલે બે જૂથ વચ્ચે અથડામણ થવાની શક્યતાને ધ્યાનમાં લઈને કપલની સામે કેસ કરી તેમને જેલભેગું કરવામાં આવ્યું હતું. હાલ આ મામલે વધુ તપાસ ચાલી રહી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..