જયેશ રાદડિયાના વૈભવ વિલાનો અંદરનો નજારો જુઓ

રાજકોટ: ગુજરાત વિધાનસભા 2017ની ચૂંટણીમાં જેતપુર બેઠક પર ભાજપમાંથી 25 હજારથી વધુ મતની લીડથી જીત હાંસલ કરનાર જયેશ રાદડિયાનો આજે જન્મ દિવસ છે. તેમનો જન્મ 20 ડિસેમ્બર 1981માં થયો હતો. તેઓ રૂપાણી રથના સૌથી નાની વયના કેબિનેટ મંત્રી છે. તેમની રાજકીય કારકિર્દીની શરૂઆત 2009માં ધોરાજીના ધારાસભ્યના રૂપમાં થઈ હતી. ત્યારબાદ તેઓ વર્ષ 2013થી જેતપુરના ધારાસભ્ય છે. યુવા નેતાએ પોતાના મતક્ષેત્ર એવા જેતપુરમાં છએક વર્ષ પહેલા ભવ્ય બંગલો બનાવ્યો છે. બંગલાનું નામ તેમના દિવંગત ભાઈ વૈભવના નામ પર રાખવામાં આવ્યું છે. જુઓ રાદડિયાના જાજરમાન બંગલાનો અંદરનો નજારો.

જૂનાગઢ રોડ પર આવેલો છે ભવ્ય બંગલો

પાંચ વર્ષ પહેલા જ જેતપુરથી જૂનાગઢ તરફ જઈ રહેલા નેશનલ હાઈવેની નજીક મિનિસ્ટરનો 2 કરોડનો 5 બીએચકે બંગલો આવેલો છે. અહીં તેઓ પોતાના પરિવાર સાથે રહે છે. જેમાં તેમની માતા અને પિતા એવા સાંસદ વિઠ્ઠલભાઈ પણ તેમની સાથે રહે છે.

બંગલાના સુશોભન સાથે કૃષ્ણ મહિમા

બંગલાનો નીચેનો ભાગ પાર્કિંગ માટે રાખવામાં આવ્યો છે. જ્યારે ઉપરના બંને માળમાં રહેવાની વ્યવસ્થા કરવામાં આવી છે. અહીં અંદર પ્રવેશો એટલે પહેલી નજર ઘરના સુશોભન સાથે કૃષ્ણ મહિમાના દર્શનમાં જ જાય. રાદડિયાના ઘરમાં બાળ કૃષ્ણ ગોવર્ધનને ટચલી આંગળીએ ઉપાડીને ગોકુળ વાસીઓને મેઘતાંડવથી બચાવતાં હોય તેવી આબેહૂબ પ્રતિકૃતિ મન મોહી લે તેવી છે. જ્યારે બંગલાના હોલમાં દ્વારકાધીશની છબી અને કાનૂડાની કાંસ્ય પ્રતિમા જોવા મળે છે.

વૈભવમાં વૈભવી બેડરૂમ, દરેક રૂમમાં ટીવી

મિનિસ્ટરના બંગલામાં રોયલ સ્ટાઈલ ફર્નિચર રાખવામાં આવ્યું છે. જેમાં બેડરૂમમાં ફિલ્મોમાં સ્વપ્નસૃષ્ટિ બતાવે એવો ભવ્ય ગોળાકાર બેડ રાખવામાં આવ્યો છે. દરેક રૂમમાં મોટી સાઈઝની ટીવી હોમ થિયેટર સાઉન્ડ સિસ્ટમ સાથે રાખવામાં આવી છે. તો જયેશભાઈના બેડરૂમમાં તેમની પત્ની સાથેની વિશાળ તસવીર નજરે પડે છે.

હાઈફાઈ કિચન અને બાજુમાં ડાઈનિંગ ટેબલ

રાદડિયા પરિવાર ખાણીપીણી માટે બંગલામાં આધુનિક કિચન બનાવ્યું છે. જેમાં ઓવન, ફ્રિઝ, મિક્સર સહિતના રસોઈના સાધનસામગ્રીથી સજ્જ રાખ્યું છે. પરિવાર જાતે જ બનાવીને આરોગ્યપ્રદ આહાર લે છે. જમવા બેસવા માટે કિચનની બાજુમાં જ ડાઈનિંગ ટેબલ સેટ રાખવામાં આવ્યો છે.

બાળકોની તસવીરો સાથે વિઠ્ઠલ રાદડિયાની મોટી તસવીર

બંગલાના હોલમાં વિઠ્ઠલભાઈના ત્રણેય દીકરાના બાળકોની તસવીરો જોવા મળે છે. આ સિવાય ઠેર ઠેર વિઠ્ઠલભાઈની સાફો ધારણ કરેલી વિશાળ તસવીર પણ નજરે પડે છે. આ સિવાય વિઠ્ઠલભાઈના નાના પુત્ર કલ્પેશ, વૈભવ અને માતાની ફૂલહાર કરેલી તસવીર પણ છે.