આઝાદ ભારતના ઇતિહાસમાં પહેલીવાર જૂન મહિનાના અંતે કેન્દ્ર સરકારનું કુલ દેવું રૂપિયા 100 લાખ કરોડને પાર
આઝાદ ભારતના ઇતિહાસમાં પહેલીવાર જૂન મહિનાના અંતે કેન્દ્ર સરકારનું કુલ દેવું રૂપિયા ૧૦૦ લાખ કરોડને પાર કરી ૧૦૧.૩ લાખ કરોડ પર પહોંચી ગયું છે. હાલના વિદેશી હૂંડિયામણ વિનિમય દર પ્રમાણે આ દેવું ૧.૨૬ ટ્રિલિયન અમેરિકન ડોલર થાય. કેન્દ્રીય નાણામંત્રાલયના આર્થિક બાબતોના વિભાગના ત્રિમાસિક રિપોર્ટમાં જણાવવામાં આવ્યું હતું કે, વર્તમાન નાણાકીય વર્ષના પ્રથમ ત્રિમાસિક એપ્રિલ-જૂનમાં સરકારના દેવામાં રૂપિયા ૭ લાખ કરોડનો અચાનક વધારો થયો હતો. જેના પગલે ભારત સરકાર પરનું કુલ દેવું રૂપિયા ૧૦૦ લાખ કરોડને પાર થયું હતું. જૂન મહિનાના અંતે ભારત સરકારનું જાહેર દેવું રૂપિયા ૯૨.૩ લાખ કરોડ પર પહોંચ્યું હતું. તેમાં ઘરેલુ અને બાહ્ય દેવાઓનો સમાવેશ થાય છે.
Indian gov't's #debt crosses 100 lakh crore for the first time in history, at the end of June.
Acc' to quarterly report, total liabilities increased to 101.3 lakh crore from 94.6 lakh crore as of March-end.
Central gov't liabilities jumped 7% in June quarter#coronavirus #COVID19 pic.twitter.com/RchSYMG0Oq— Indian News Network (@Indiannewsnetw2) September 19, 2020
નિષ્ણાતોનું માનવું છે કે ભારત સરકારનું જાહેર દેવું વર્ષ ૨૦૨૧ના અંતે દેશના કુલ જીડીપીના ૬૦ ટકા પર પહોંચી જશે. આઇએમએફના ડિસેમ્બર ૨૦૧૯ના આંકડા પ્રમાણે હાલમાં તે દેશના કુલ જીડીપીના ૪૩ ટકા જેટલું છે. વિશ્વમાં દેવાના મામલામાં ૧૭૦ દેશોમાં ભારતનું સ્થાન ૯૪મું છે જે આ વર્ષે સરકાર દ્વારા કરાનારા વધારાના દેવાના કારણે રેન્કમાં આગળ વધી શકે છે. વર્ષ ૨૦૧૭માં ઘડી કઢાયેલા ફિસ્કલ રિસ્પોન્સિબિલિટી એન્ડ મેનેજમેન્ટ રૂલ્સમાં કરાયેલી ભલામણ અનુસાર સરકારનું જાહેર દેવું માર્ચ ૨૦૨૩ સુધી જીડીપીના ૪૦ કરતાં નીચું હોવું જોઈએ.
ભારત સરકારની અંદાજપત્રીય સ્થિતિ ખસ્તાહાલ
કોરોના મહામારીના કારણે વિશ્વભરની સરકારોના બજેટ ખોરવાઈ ગયાં છે. દરેક દેશ મોટા આર્થિક ફટકાનો સામનોકરી રહ્યો છે પરંતુ ભારત સરકારની અંદાજપત્રીય સ્થિતિ એટલી ખસ્તાહાલ બની છે કે જીડીપીના એક ટકા જેટલું પણ રાહત પેકેજ આપવામાં સરકારને તોતિંગ દેવું કરવું પડે. તેના કારણે સરકારના માથે રહેલા દેવાની સ્થિરતા પર સવાલો સર્જાયાં છે.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..