માનવતા મરી પરવારી: દીકરીને શોધવાના બદલામાં દિવ્યાંગ માતા પાસે SIએ લાંચ માગી, તેણે ભીખ માગીને ગાડીમાં 12 હજારનું ડીઝલ ભરાવ્યું

માતાએ કોઈપણ સ્થિતિમાં તેની 15 વર્ષની દીકરીને શોધવાની હતી. તે રોજ ભીખ માગતી અને તે સ્ટેશન ઈન્ચાર્જ(SI)ની ગાડીમાં ડીઝલ ભરાવી આપતી, જેણે આ લાંચના બદલામાં પોતાની પુત્રીને શોધવાનો વાયદો કર્યો હતો. એક મહિનો રાહ જોયા બાદ જ્યારે માતાની ધીરજ ખૂટી ગઈ તો તેણે હવે DIGને રજૂઆત કરી છે.

ઘટના ઉત્તરપ્રદેશના કાનપુર જિલ્લાના સનિગવાં ગામની છે. અહીં રહેનારી ગુડિયા ઘોડીના સહારે ચાલીને ભીખ માગીને ગુજારો કરે છે. તેની 15 વર્ષની પુત્રી એક મહિનાથી ગુમ છે. બીજી તરફ તેના દૂરના સગાં-વહાલાં પર તેનું અપહરણ કરવાનો આરોપ છે. ગુડિયાની પોલીસે ગુમ થવાની ફરિયાદ નોંધી છે. જોકે જ્યારે પણ તે પોતાની દીકરી ગુમ થઈ હોવાની ફરિયાદ બાબતે તપાસ કરવા પોલીસ સ્ટેશન જતી હતી ત્યારે તેને ધમકાવીને કાઢી મૂકવામાં આવતી હતી.

એક દિવસ SI રાજપાલ સિંહે ગુડિયાને તેની દીકરીને શોધવાના બદલામાં ડીઝલ ભરાવી આપવા કહ્યું. તેણે આ વાત માની લીધી, પછીથી આ સિલસિલો ચાલુ થઈ ગયો. જોકે જ્યારે તે પોતાની દીકરીને શોધી આપવાની વાત કરતી તો સ્ટેશન ઈન્ચાર્જ તેને વાયદોઓ કરતા હતા. મજબૂરીમાં તેણે DIG ડોક્ટર પ્રતિંદર સિંહને આ અંગે રજૂઆત કરી હતી. ગુડિયાનો આરોપ છે કે તેણે ભીખ માગીને અત્યારસુધીમાં 10થી 12 હજારનું ડીઝલ ગાડીમાં ભરાવડાવ્યું છે

ગુડિયાનું કહેવું છે કે તે મુખ્યમંત્રી યોગી આદિત્યનાથની ઓફિસ સુધી ફરિયાદ કરવા ગઈ હતી. જોકે તેની ફરિયાદને ત્યાં કોઈએ સાંભળી નહિ. હવે DIGએ SIને અટેચ કરી દીધા છે. આ મામલાની વિભાગીય તપાસ ચાલી રહી છે. છોકરીની શોધખોળ માટે ચાર ટીમ બનાવવામાં આવી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..