છ લાખનું દહેજ ન મળતાં પતિએ ગર્ભવતી પત્નીને મોતને ઘાટ ઉતારી, લાશના ટુકડા કરીને ખેતરમાં દાંટી દીધા!

બિહારના નાલંદા જિલ્લામાં પતિએ પરિવાર સાથે મળીને ગર્ભવતી પત્નીની હત્યા કરી હોવાની હૃદય કંપાવનારી ઘટના સામે આવી છે. પત્નીની હત્યા કર્યા બાદ ઓળખ છુપાવવા માટે મૃતદેહને સળગાવ્યા બાદ તેના ટુકડા કરીને જમીનમાં દાટી દીધા હતા. બનાવની જાણ થતાં ગ્રામજનોએ મહિલાના પરિવારને જાણ કરતા તેઓ દોડી આવ્યા હતા અને જમીન ખોદતાં મહિલાની લાશના ટુકડા મળી આવ્યા હતા. બનાવને પગલે પોલીસ કાફલો ઘટનાસ્થળે દોડી આવ્યો હતો અને મૃતદેહને કબજે કરીને આગળની કાર્યવાહી હાથ ધરી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

પ્રાપ્ત માહિતી અનુસાર, મામલો હિલસા પોલીસ સ્ટેશન વિસ્તારના નોનિયા બિગહાનો છે. પટણા જિલ્લાના સલીમપુર પોલીસ સ્ટેશન વિસ્તારના બિહટામાં રહેતા અરવિંદ કુમારે પોતાની પુત્રી કાજલના લગ્ન ગયા વર્ષે નાલંદા જિલ્લાના હિલસા પોલીસ સ્ટેશન નોનિયા બિગહામાં રહેતા સંજિત કુમાર સાથે કર્યા હતા. સંજિત કુમાર રેલવેમાં એક પટાવાળો હતો. લગ્ન પછી થોડા મહિના બધું બરાબર ચાલ્યું અને બાદમાં પતિનું પ્રમોશન થઈ ગયું. ટીટીઈ બની ગયા બાદ સંજિતે કાજલ પાસે 6 લાખ રૂપિયા માંગવા લાગ્યો. પરંતુ દહેજના રૂપિયા ના મળતા ગત બુધવારે કાજલની હત્યા કરી નાખી અને લાશના ટુકડા કરીને જમીનમાં દફનાવ્યા હતા. કહેવાઈ રહ્યું છે કે, કાજલ 6 મહિનાની ગર્ભવતી હતી.

હત્યા બાદ સાસરિયાઓ ફરાર
ઘટનાની માહિતી મળ્યા બાદ કાજલના પિતા અરવિંદ કુમાર સાસરીયાના ઘરે પહોંચ્યા અને જોયું કે પરિવારના સભ્યો ફરાર છે. મૃતકના પિતાએ ગામ લોકોની મદદથી જમીન ખોદીને પુત્રીના મૃતદેહના ટુકડા ભેગા કર્યા હતા. બનાવની જાણ થતાં પોલીસ ઘટનાસ્થળે પહોંચ્યો હતો અને કાર્યવાહીનો દાવો કર્યો હતો.

આરોપીની ધરપકડ કરવા રેડ કરતી પોલીસ
મૃતક કાજલના પિતા અરવિંદ કુમારે પતિ સંજિત કુમાર સહિત સાતને આરોપી બનાવીને દહેજ માટે હત્યાની ફરિયાદ નોંધાવી છે. 6 લાખ ન મળતાં આરોપીઓ પર ખૂનનો આરોપ છે. પોલીસ અધિકારી શ્યામ કિશોરસિંહે જણાવ્યું હતું કે પોલીસે આરોપીની ધરપકડ કરવા દરોડા પાડી રહી છે.

મૃતકના ભાઈ બંટી કુમારે જણાવ્યું હતું કે ગામ લોકોના કહેવા પર જમીન ખોદતા લાશના ટુકડા કાઢવામાં આવ્યા. હત્યા પછી મૃતદેહની ઓળખ ભૂંસી નાખવા માટે સળગાવી દેવામાં આવ્યો હતો અને ત્યારબાદ તેને ડઝનેક ટુકડાઓમાં દફનાવવામાં આવ્યો હતો. ઘટનાસ્થળેથી સળગેલી હાલતમાં ખાટલો મળી આવ્યો છે. નજીકમાં ઝાડીઓ પણ બળી ગઈ હતી.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..