માનવતા ફરી મરી પરવારી? કેરળ બાદ હિમાચલ પ્રદેશમાં હેવાનિયત, ગર્ભવતી ગાયને જીવતો બોમ્બ ખવડાવ્યો

કેરળના મલપ્પુરમમાં એક ગર્ભવતી હાથણીના વિસ્ફોટ ખાવાથી મોત થયા બાદ હિમાચલ પ્રદેશથી પણ આવા જ રૂંવાડા અદ્ધર કરનારો કિસ્સો સામે આવ્યો છે. હિમાચલ પ્રદેશના જિલ્લા બિલાસપુરના ઝંડુતા વિસ્તારમાં ગર્ભવતી ગાયને કોઇએ જીવતો બોમ્બ બનાવીને ખવડાવી દીધો, તેના લીધે ગાય બહુ ગંભીર રીતે ઘાયલ થઇ ગઇ છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

ગાયના માલિકે ઘટનાનો વીડિયો સોશિયલ મીડિયા પર મૂકયો છે જે ખૂબ વાયરલ થઇ રહ્યો છે. પોલીસે આ કેસના સંબંધમાં કેસ નોંધ્યો છે. આખા કેસની ઊંડાણપૂર્વક તપાસ ચાલી રહી છે. લોકોમાં આ ઘટના બાદથી ખૂબ જ આક્રોશ છે.

આની પહેલાં મલ્લપ્પુરમમાં એક ગર્ભવતી હાથણીને શરારતી તત્વોએ અનાનસમાં ફટાકડા ભરીને ખવડાવી દીધા હતા, ત્યારબાદ તેનું મોં અને જડબું ગંભીર રીતે ઘાયલ થયુ હતું. ઘાયલ હાથણી વેલિયાર નદી પહોંચી અને ત્રણ દિવસ સુધી પાણીમાં મોં રાખી ઉભી રહી. ત્યારબાદ તેનું અને તેના ગર્ભમાં ઉછરી રહેલા મદનિયાનું મોત થઇ ગયું. આ ઘટના બાદ લોકોએ નારાજગી વ્યકત કરી હતી. કેરળ સરકાર આ કેસની તપાસ કરાવી રહ્યું છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..