અમદાવાદમાં પૂરપાટ ઝડપે આવતા બાઈકે મહિલાને 50 ફૂટ સુધી ઢસડી, બાઈક ચાલક મહિલાને કચડી ફરાર થયો

અકસ્માતોની ઘટના ઓછી બને તે માટે કેન્દ્ર સરકારે ટ્રાફિકના નિયમોને આકરા કરી દીધા, પરંતુ તેમ છતાં વાહન ચાલકોને નિયમનો કોઈ ડર ન હોય તેમ આડેધડ વ્હીકલ ચલાવી રહ્યા છે. મંગળવારે અમદાવાદના પોશ એવા પ્રહલાદ નગર વિસ્તારમાં એક હિટ એન્ડ રનની ઘટના સામે આવી. જેમાં બાઈક ચાલકે એક મહિલાને કચડી. બાઈક ચાલકે યુવતીને લગભગ 50 ફૂટ સુધી પોતાની સાથે ઢસડી અને પછી ફરાર થઈ ગયો. આ ઘટના સીસીટીવીમાં કેદ થઈ હતી. જોકે હજુ સુધી બાઈક ચાલકની ધરપકડ કરાઈ નથી.

SG-2 ડિવિઝન ટ્રાફિક પોલીસમાં નોંધાયેલી ફરિયાદ મુજબ, ગુંજન શાહ પ્રહલાદનગરમાં આવેલી પ્રાઈવેટ કંપનીમાં HR મેનેજર છે અને તે ડ્રાઈવિન રોડ પર આવેલી ગોયલ ઈન્ટરસીટીમાં રહે છે, જ્યારે તેમના પતિ અમેરિકામાં રહે છે.

ગુંજનના ભાઈ હર્ષલ ભટ્ટે ફરિયાદમાં જણાવ્યું કે, મંગળવારે તેને પોતાની બહેન સાથે કામ કરતી એક યુવતીનો ફોન આવ્યો, જેણે જણાવ્યું કે ગુંજનનો રસ્તો ક્રોસ કરતી વખતે પ્રહલાદનગરમાં શપથ 5ની સામે તેનો અકસ્માત થયો છે.

હર્ષલે કહ્યું, જ્યારે મારી બહેન રસ્તો ક્રોસ કરીને પોતાની કાર પાસે પાર્કિંગ એરિયામાં જતી હતી, ત્યારે પૂરપાટ આવતી એક બાઈકે તેને ટક્કર મારી. ગુંજન બાઈકના ફ્રન્ટ ફેન્ડર પર આવી છતાં તેણે વ્હીકલ રોક્યું નહીં. બાઈક ચાલકે તેને રોડ પર 50 મીટર સુધી ઢસડી આ બાદ તેને કચડીને ત્યાંથી ફરાર થઈ ગયો. લોકો તેની મદદ કરવા દોડ્યા અને બેભાન હાલતમાં તેને નજીકની પ્રાઈવેટ હોસ્પિટલમાં લઈ ગયા.

હર્ષલે કહ્યું, ‘તેની બહેનને કમર અને ઘુંટણમાં ફ્રેક્ટર થયા છે જે કારણે તેનું ઓપરેશન કરાયું હતું અને હવે રિકવર થઈ રહી છે. તેને ચારથી પાંચ મહિના સુધી હોસ્પિટલમાં રહેવું પડશે.’ આ મામલે પોલીસે સીસીટીવી ફૂટેજ ચેક કર્યા પરંતુ બાઈક ચાલકને ઓળખી શકી નહોતી. પોલીસે હાલમાં અજાણ્યા બાઈક ચાલક સામે ગંભીર રીતે ડ્રાઈવિંગ, અન્યના જીવને જોખમમાં મૂકવા સહિતના ગુના નોંધીને તપાસ શરૂ કરી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..