બોયફ્રેન્ડ પર આંધળો વિશ્વાસ કરતી છોકરીઓ માટે આંખ ઉઘાડતો કિસ્સો: બોયફ્રેન્ડે ન્યૂડ વિડીયો ફરતો કરી દેતા 12મા ધોરણમાં ભણતી છોકરીએ આપઘાત કર્યો

અમદાવાદમાં પાડોશમાં રહેતા છોકરાએ મિત્રતા કેળવી શારીરિક સંબંધ બાંધી તેનો વિડીયો ઉતારી લેતા 16 વર્ષની છોકરીને આપઘાત કરવાનો વારો આવ્યો છે. શહેરના છારાનગર વિસ્તારમાં બનેલી ઘટનામાં છોકરીની સાથે જ અભ્યાસ કરતા તેના મિત્રએ તેને એક મકાનમાં બોલાવીને છ વાર તેની સાથે દુષ્કર્મ ગુજાર્યું હોવાની કેફિયત ખુદ પીડિતાએ પરિવારજનોને આપી હતી.

પ્રાપ્ત વિગતો અનુસાર, છારાનગરમાં રહેતી નિશા (નામ બદલ્યું છે)ને પોતાની સ્કૂલમાં જ ભણતા રાહુલ (નામ બદલ્યું છે) સાથે મિત્રતા હતી. રાહુલ પોતાના મિત્ર પ્રિતેશ (નામ બદલ્યું છે)ના ફોન દ્વારા નિશા સાથે વાત કરતો હતો. આ દરમિયાન તેણે નિશાને પોતાનો ન્યૂડ વિડીયો વ્હોટ્સએપ કરવા માટે કહ્યું હતું. નિશાએ ના પાડતા રાહુલે તેના પર દબાણ કરવાનું શરુ કર્યું હતું. આખરે તેની માગણીને વશ થઈ નિશાએ રાહુલને પોતાનો ન્યૂડ વિડીયો મોકલ્યો હતો.

નિશાનો ન્યૂડ વિડીયો રાહુલના મિત્ર પ્રિતેશના ફોનમાં જ રહી ગયો હતો, જેને પ્રિતેશે પોતાના અન્ય મિત્રોને મોકલી આપ્યો હતો. વિડીયો બીજા લોકો પાસે પણ આવી જતાં તે લોકો નિશા પાસે બિભત્સ માગ કરીને તેને પરેશાન કરવા લાગ્યા હતા. જોકે, નિશાએ તેમની માગણી પૂરી કરવાનો મક્કમતાથી ઈનકાર કરી દીધો હતો. આખરે નિશાના પિતાના કોઈ ઓળખિતાએ તેનો વિડીયો વાયરલ થયો હોવાનું પરિવારજનોને જણાવ્યું હતું.

દીકરીની ઈજ્જત લૂંટાઈ હોવાની જાણ થતાં જ નિશાના ગરીબ પરિવારજનો પર આભ તૂટી પડ્યું હતું. નિશાએ પરિવારજનોને જણાવ્યું હતું કે રાહુલે તેની સાથે છ વાર દુષ્કર્મ કર્યું છે. આખરે, નિશાની માતાએ તેની પાસે અઘટીત માગણી કરનારા અને વિડીયો ફરતો કરી દેનારા ચારેય શખ્સો વિરુદ્ધ ફરિયાદ નોંધાવી હતી. હોળીના દિવસે નિશાનો પરિવાર હોળીના દર્શન કરવા ગયો હતો, જ્યારે નિશા ઘરે જ રોકાઈ હતી અને તેણે એકલતાનો લાભ લઈ ગળે ફાંસો ખાઈ લીધો હતો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..