મોટો ભાઈ પ્રેમિકાને લઈને ભાગી જતાં છોકરીવાળાએ ‘બદલો’ લેવા તેની બહેન પર તેના મા-બાપની નજર સામે જ કર્યો ગેંગરેપ

સ્કૂલમાં ભણતી 16 વર્ષની એક છોકરી પર કંપારી ઉઠી જાય તે રીતે દિવસો સુધી તેને બંધક બનાવી ગેંગરેપ ગુજારાયો હોવાની એક ઘટના યુપીમાં બની છે. ધૃણાસ્પદ વાત એ છે કે, આઠ બળાત્કારીઓએ છોકરીના માતાપિતા સામે જ તેના પર ગેંગરેપ કર્યો હતો. છોકરીનો વાંક માત્ર એટલો હતો કે તેનો મોટો ભાઈ પોતાની પ્રેમિકાને લઈને ભાગી ગયો હતો.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

મુરાદાબાદ જિલ્લાની આ ઘટનામાં પ્રેમી-પ્રેમિકા ભાગી ગયાની જાણ થતાં છોકરીના ઘરવાળા યુવકના પરિવારજનોને પકડીને અમરોહા રેલવે સ્ટેશન નજીકના એક ઘરમાં લવાયા હતા. 28 જૂનના રોજ તેમને ત્યાં લવાયા તે વખતે તેમનો ઉદ્દેશ માત્ર છોકરી ભાગીને ક્યાં ગઈ છે તે જાણવાનો જ નહીં, પરંતુ યુવકના પરિવારજનોને પાઠ ભણાવવાનો હતો. તેના માટે તેમણે એટલો ભયાનક પ્લાન બનાવ્યો હતો કે તેના વિશે સાંભળી કોઈપણ કાંપી ઉઠે.

યુવક જે છોકરીને લઈને ભાગ્યો હતો તેના પિતા, ભાઈઓ અને કાકાઓએ તેની બહેનનો તેના માતાપિતા સામે જ અનેકવાર ગેંગરેપ કર્યો હતો. 29 જૂને છોકરીના માતાપિતાને તેમને જ્યાં બંધક બનાવાયા હતા ત્યાંથી નીકળી જવા માટે કહેવાયું હતું. તેમને એવી ધમકી પણ અપાઈ હતી કે જો તેમણે આ ઘટના અંગે પોલીસને જાણ કરી તો છોકરીને ખતમ કરી દેવામાં આવશે. માતાપિતાને મોકલી દેવાયા બાદ છોકરીને બીજા ચાર દિવસ સુધી બંધક બનાવી રખાઈ હતી, અને તેના પર આ દરમિયાન અનેકવાર રેપ કરી આખરે 4 જુલાઈએ તેને છોડવામાં આવી હતી.

મુરાદાબાદના એડિશનલ સુપ્રિન્ટેન્ડેન્ટ ઓફ પોલીસ (ગ્રામ્ય) વિદ્યા સાગર મિશ્રાએ આ મામલે જણાવ્યું હતું કે છોકરીએ ઘરે આવીને તેના પર જે થયું તે અંગે વાત કર્યા બાદ FIR દાખલ કરવામાં આવી હતી. બંને પરિવારો એકબીજાને વર્ષોથી ઓળખે છે, પરંતુ પીડિતાનો ભાઈ બીજા પરિવારની છોકરીને લઈને ભાગી જતાં બંને ફેમિલી વચ્ચે તણાવ સર્જાયો હતો.

પોલીસે આ કેસમાં સંડોવાયેલા તમામ આરોપીઓને ઝડપી લેવા માટે ટીમો બનાવીને તેમને શોધવાની કાર્યવાહી હાથ ધરી છે. આ ઉપરાંત, ઘરેથી ભાગી ગયેલા યુવક-યુવતીને પણ પોલીસ શોધી રહી છે. પીડિતાના પિતાએ જણાવ્યું હતું કે તેમનો દીકરો 27 જૂને ગાયબ થઈ ગયો હતો. તે જે છોકરીને લઈને ભાગ્યો હોવાનો આક્ષેપ છે તે પણ તેના જ ગામની રહેવાસી છે.

છોકરી ભાગી ગઈ છે તેની જાણ તેના પરિવારજનોને 28 જૂને થતાં તેઓ સવારમાં જ યુવકના ઘરે આવ્યા હતા અને તેના માતાપિતા તેમજ બહેનને ઉઠાવી ગયા હતા. તેમને અમરોહામાં એક ઘરમાં કેદ કરાયા હતા અને ત્યાં ઢોર માર મારવામાં આવ્યો હતો અને તેમની સામે જ તેમની દીકરી પર ગેંગરેપ ગુજારાયો હતો. બીજા દિવસે પીડિતાને ત્યાં જ રાખી તેના માતાપિતાને મોઢું ના ખોલવની ધમકી આપી ઘરે મોકલી દેવાયા હતા. પીડિતાના માતાપિતાનો દાવો છે કે તેમણે 29 જૂને જ ફરિયાદ કરી દીધી હતી પરંતુ પોલીસે કોઈ પગલાં નહોતા લીધા.

આખરે પીડિતા 4 જુલાઈએ ઘરે પહોંચી ત્યારે આઠ લોકો વિરુદ્ધ ગેંગરેપ અને પોક્સો સહિતના વિવિધ આરોપ હેઠળ FIR દાખલ કરવામાં આવી હતી. પોલીસને સાત આરોપીના નામ મળી ગયા છે, પરંતુ એકની ઓળખ નથી થઈ શકી. તેમની ધરપકડ કરવા હાલ ઠેકઠેકાણે દરોડા પડાઈ રહ્યા છે.

પીડિતાની પાડોશમાં જ રહેતા તેના કાકીએ જણાવ્યું હતું કે આરોપીઓ ખૂબ જ વગદાર છે. તેઓ પરિવારની બીજી છોકરીઓ સાથે પણ આવું કરી શકે છે. હાલ આખો પરિવાર ડરથી ફફડી રહ્યો છે. તેમણે આરોપીઓને જલ્દીથી જલ્દી પકડવામાં આવે તેવી માગ પણ કરી હતી.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..