પત્નીને ફોન પર કહ્યું, ‘પાંચ મિનિટમાં ઘરે પહોંચી જઈશ’ અને સવારે મળ્યો પતિનો મૃતદેહ

ગુડગાંવની એક ખાનગી કંપનીમાં રીજનલ મેનેજર તરીકે ફરજ બજાવતા ગૌરવ ચંદેલ સોમવારે મોડી રાત્રે પોતાની નવી કારમાં ગ્રેટર નોએડા વેસ્ટથી ગૌર સિટીમાં પોતાના ઘરે આવતા હતા. રાત્રે લગભગ 10 વાગ્યે તેમણે પત્ની સાથે મોબાઈલ પર વાત કરી હતી. તેમણે પત્નીને કહ્યું હતું કે, તેઓ પર્થલા ચોક પર છે અને પાંચ મિનિટમાં ઘરે પહોંચી જશે. જો કે, આ વાતને અડધો કલાક વિતી ગયો હોવા છતાં તેઓ ઘરે ના પહોંચતા પરિવારને ચિંતા થવા લાગી. તેમણે સતત ગૌરવના મોબાઈલ પર ફોન કર્યા પરંતુ કૉલ રિસીવ ના કર્યો.

ચિંતામાં ડૂબેલા પરિવારજનો અને સોસાયટીના રહીશો પોલીસ પાસે પહોંચ્યા હતા. પરંતુ મદદ મળવાની આશા ના દેખાતા તેઓ જાતે જ તપાસ કરવા લાગ્યા. આખી રાત લોકો ગૌરવને આસપાસના વિસ્તારોમાં શોધતા રહ્યા હતા. સવારે પર્થલા ચોક પાસે હિંડન નદીના પુલ નીચેથી ગૌરવનો મૃતદેહ મળ્યો હતો. ગૌરવની કાર, મોબાઈલ, લેપટોપ અને પર્સ વગેરે ગાયબ હતા.

લોકો ગૌરવને હોસ્પિલ લઈને પહોંચ્યા, જ્યાં ડૉક્ટરે તેમને મૃત જાહેર કર્યા હતા. પરિવારે કોઈ દુશ્મનીના કારણે ગૌરવની હત્યા થઈ હોવાની વાત નકારી છે. માનવામાં આવી રહ્યું છે કે લૂંટ બાદ ગૌરવની હત્યા કરવામાં આવી હતી. પોલીસે હત્યાનો ગુનો દાખલ કરીને તપાસ શરૂ કરી છે. પોસ્ટમોર્ટમ પરથી જાણવા મળ્યું કે, ગૌરવને માથામાં ગોળી મારીને હત્યા કરવામાં આવી છે. ગોળી તેના માથામાં ફસાયેલી હતી. આશંકા છે કે, ગૌરવ કાર ઊભી રાખીને ટોયલેટ ગયો હશે ત્યારે જ લૂંટારુઓએ ગોળી મારીને કાર લૂંટી લીધી હશે.

ગૌરવના પરિવાર અને સોસાયટીના લોકોનો આરોપ છે કે, તેઓ પહેલા ગ્રેનો વેસ્ટની બિસરખ કોતવાલી ગયા હતા અને પોલીસ પાસે મદદ માગી હતી. પરંતુ પોલીસે સવારે મોબાઈલ લોકેશન દ્વારા શોધી આપીશું તેમ કહ્યું હતું. પરિણામે પરિવારજનો જાતે જ તેની શોધખોળમાં લાગ્યા હતા. પરિવારનો આરોપ છે કે, જો પોલીસે સક્રિયતા દાખવી હોત તો ગૌરવનો જીવ બચાવી શકાયો હોત. એસએસપી વૈભવ કૃષ્ણએ કહ્યું કે, આ મામલે જલદી જ ખુલાસો કરીને આરોપીઓને ઝડપી લેવાશે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..